Rooma 12:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Waakh haaggiiski buure ka, eteemba siimohi yeerenye siiche. Maantaka, chirri siinti Waakh kisiiche ti Waakh liiyeyyeedo tahe, taba giꞌde, ebba kakhuufnaanki Waakh siiche ka, Waakh mujjum a iyeyyeedo giꞌde.

Rooma 12:6 Referans Kwoze

1 Koriinto 7:7

Incheenka atin tuumman iꞌdaaya tateehiine mindischo laan fiddiitaan. Iꞌdaasenyi ebba siintiissa Waakh kaꞌhele. Koo siintane khaba koo la siintoo addane khaba.

Rooma 12:3

A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 1:11

Anihi atin argo ꞌdee siintoo Rubeyti Munyee katamiit atin siicho, ꞌdee rubeyohiin miigowaan weyti imoona.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

1 Koriinto 14:1

ꞌDooninti ꞌdooꞌdi addan laꞌdoono yowda, toro la siimohi Rubeyti Munyee kayamiit weyti imoona. Kach ka la, siinti Waakh liiyeyyeedo yowda.

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.

1 'Dessaloonika 5:20

Wori ꞌdooꞌdi Waákh íyeyyeedo atin icheeko aꞌdarraawina.

1 Koriinto 14:29

Et lamma ommos et seyyah Waákh a iyeyyeeddo, ꞌdooꞌdi addan la wihi leessi mujjum goya a fiiricho.

Hilassi Ergaano 15:32

Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

Fiiliffi 3:15

Innohi tuummane wahanyeyyohi Waakh ka iiꞌdowne, malaas khabno giꞌde. Iꞌdaasenyi, chirri gaasiinkoo maloo addane yeere khabo, Waakh wahaas a atin isoobabbakkaahicha.

Efeesso 3:5

Waakh kholoyyohi oraat waha dagsan ma tusine, toolla la Rubeyti Munyee ka ergaanotiisti munyee ichoow ꞌdooꞌdi Waákh íyeyyeedo munyee waha a isoobabbakkaahiche.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Luuka 11:49

Jeentetaas u wihi Waakh kharatiis ka essi kallaayo, ‘ꞌDooꞌdi Waákh íyeyyeedo ichoow ergaano a ierga, icho la gaasoo a yagiisiin, gaasoo laka sina omhichaan.’

Mattaayo 23:34

Maantaka, ꞌdooꞌdi Waákh íyeyyeedo a atin isooerga, ꞌdooꞌdi kharayyee ichoow ꞌdooꞌdi jiti Waakh enenyet abcho a atin isooerga. Atin la gaasichekoo a tagiisiine, gaasoo laka massalaaba kakaahtaane, gaasoo laka minassiinki weysiite Yaꞌhuud ka jahtaane, gaasoo laka kolba ilkerengeettoo ka sina omhissaan.

1 Koriinto 14:24

Iꞌdaasenyi chirri atin tuumman wori Waakh kaayyeeddaane etoo Kiriisto irummeysan ommos etoo siintaas ikhabin atin isoogele, atin uskeeli us yeele a tussaane toro saggi us eti uskeel leh iyahe idowdowtaan.

Hilassi Ergaano 21:9

Ulla inám affar idisneynane wori Waakh kaayyeeddo iche khaba.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

1 Koriinto 12:18

Iꞌdaasenyi Waakh saggi us iꞌdoono, iche miil ba sarteen igesse.

2 Beetero 1:20

Waha tuumman ꞌdirihicho la, saggi Chiirnaanneti Waakhe goorat ꞌdooꞌdi Waákh íyeyyeedo cheeke too kalday laka malicho ikiimaatan abda.

Mattaayo 25:22

“Ki ugar lamma chilimme khabe laka yimiyye, wihi us yidah, ‘Kamur at ugar lamma chilimme dahanteey soogelisse. Yey, lamma addane ꞌhele.’