Rooma 12:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ saggaas on u innohi ittaawe laka, jeenteti inno ichoow Kiriisto ba wohoo kalday inahuu, a iꞌdi sartoo kaldaye miilassi ittaawenye iskaattoollo khabto.

Rooma 12:5 Referans Kwoze

1 Koriinto 12:20

Miilal a ittaawe, iꞌdaasenyi a sartoo kaldach.

1 Koriinto 10:17

Jeenteti makaate too kalday itahe, innohi ittaawe laka a sartoo kalday. Iꞌdi tahe inno tuumman makaatetoo kaldaye isleegisanna.

Efeesso 4:25

Maantaka ebba been a ꞌdiicho, eti addane Kiriisto rummeeste rum on a kaleeyyeedo, a mehe inno tuumman a miilassi sartoo kalday.

Kolossaay 2:19

Us Kiriistohi matakki urur Kiriistee ma khuccho. Matakka ka, sar Kiriistoti tuummane hubno ichoow maanjeerre khucchisso a isleeweynaataan saggi Waakh iweynaachuu.

Efeesso 5:30

Iꞌdi tahe inno a iꞌdi miilassi sartiissa.

Kolossaay 1:24

Toolla sinayyohi an iroonotiin u ꞌhelo ka a hamaada, toro sarteey ka wihi sinayyo Kiriisto kaankhan indigirti sartiis u a buuhicha. Sarta la a urur Kiriisto.

Efeesso 1:23

Urura la a iꞌdi sar Kiriisto. Usú sagag tuumman ka imaala, toro la sagag tuumman ka walah tuumman ka ibuuhicha.

1 Koriinto 10:33

Saggaasu la, ani walahbaaw an yeelo ka, wihi an yowdi iroonoteey menye, ꞌdooꞌdi addane kahamaadicha, ꞌdee ribnaan ꞌhelaan.

Rooma 12:4

Saggi sarteen miilassi ittaawe ikhabto, miil ba la hiliis yeer iyahuu,

Efeesso 5:23

A mehe makhaabal usu matakki makhaabassiise, saggi Kiriisto matakki ururiis iyahuu. Kiriisto la usu ururiiski iꞌdi sartiise ꞌDoorribehichee.

Yoohana 17:11

An kola harra ma kasoojiro, iꞌdaasenyi icho uliba harra kajiraan. Aabbaheeyki munyee, miigti magahaahki at isiisse ka, magahaas ka bariiso, ꞌdee iꞌdi ani ichoow ati ba wohoo kalday inahuu, icho tuumman wohoo kalday a yitaaheen.

1 Koriinto 6:15

Atin saggi sartiin miili sar Kiriisto itahe ma garattaan a? An sar Kiriisto a khaata ichoow sarti malaaya ba too kalday kayeela? Waakh meesseen bujiiy!

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.