Rooma 12:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ A mehe haaggi Waakhe buurenye liisiiche ka, an etiimba waansihane siicha. Taba etiimba uus weyti serey isgeen iꞌdoo us khummanyahuu. Iꞌdaasenyi ebba mujjum a isfiiricho geeddi kakhuufnaanki Waakh usu siiche ka.

Rooma 12:3 Referans Kwoze

Galaatiya 6:3

A mehe chiꞌ etoo wohoo iskoogyahe, ꞌdeerka us etoo addan igargaarin, iꞌdaas ka a isekkeesta, jeenteti us wohoo ieheynan u.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

Rooma 12:16

Maloo kalday khaba. Eeylajina, ꞌdooꞌdi miskiine fiddihi haaggan ikhaba. Weyti serey iisgeenna.

1 Beetero 5:8

Taba isjeycha toro la mujjum toorribda! Seytaanki chiiytankiine iꞌdi bahassihi yeeduu a ismara, eti us bar tiro yowtaa.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

Yaakoobo 4:6

Iꞌdaasenyi Waakh haaggiiski buurenye us inno siicho a kakhayma. Jeentetaase Chiirnaanneti Waakh mehe itadeeh ya, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

1 Beetero 4:11

Eti siintiis ti Yeedi Waakh lacheeko tahe, yeedaas a cheeko giꞌde. Eti siintiis ti us ꞌdooꞌdi addan gargaaro tahe, miigti Waakh siiche tuumman ka ꞌdooꞌdi addan a gargaaro. Iꞌda ka walah tuumman ka Yeesso Kiriisto ka Waakh a laweynaacha. Us ba jirtuu tuummamba inkaanyit ichoow miig ꞌhela. Aamiin.

1 Koriinto 7:17

Etiimba iꞌdi goorat Kamur igooche toro la Waakh iwahe, iꞌdaas on a eheetti. Amura a ki an ururre Kiriisto tuumman ka ꞌdooꞌd icheeko.

Tiito 2:12

Haagga la saggi jiroti Waakh ikamalin liijirin ichoow saggi wahanyeyyohi harratane sussuujenye liimoono liiꞌdiiꞌdo iche inno abcha. Toro la harrata ka, ꞌdooꞌdi isjeycho, fiffissane, jiroti Waakh ꞌdoono jiro, inno abcha.

Tiito 2:2

Makhaaballeti araarrinyee isjeycha, saggoo atin liinkaanyito ifiddiya, ꞌdooꞌdi samacchaare ateeha idah. Kakhuufnaanki icho Waakh kakhuufaan ichoow ꞌdooninti icho ꞌdooꞌdi addan ꞌdoonaan ichoow garrahsihi rumanka icho khabaan abi.

2 Koriinto 12:7

Jeenteti wahanyeyyohaas hahhaaggane Waakh itusuu la, sarteey goya kudakkoo lagesse us ꞌdee an weyti serey isgeenne. Kudakka la a ergattiti Seytaane ijahto.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

1 Beetero 1:13

Maantaka maliin hil itannabicha, isjeycha, haaggi Waakhe buurenye maanti Yeesso Kiriisto atin liisoobabbakkaahicho atin lasiicho tuum khajjeel kakhaba.

Tiito 2:4

ꞌdee deyyehoti nunnugul saggi iche makhaaballeticho ichoow nyaakhuticho iꞌdoonto abin a yubaaꞌdeen.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

Luuka 18:11

Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.

Tiito 2:6

Saggaas on u, tabe mejeli nunnugul laka faajjiye, a isjeycho.

1 Timooti 2:15

Iꞌdaasenyi Waakh deyyeho delnaan ka a riba, chiꞌiche orey isohatti Waakh kakhuufto iche enenyet ꞌdoonto, jiti munyee kafiddiito toro la isjeyisso.

1 Timooti 2:9

Deyyehoti Waakh ichehi gaaddi mujjumenye inkaanyit tusso gessatti ꞌdoona. Uus iche saggi iche tintiche ihaaggisse ka ommos ꞌdahab ka ommos irtiyyohi gato miige ka ommos gaaddi gato miige ka ꞌdooꞌd istuttusin.

1 Timooti 1:14

Kamureen la haaggiiski buurenye an imunneynan weyti ituste. Toro la Yeesso Kiriisto ka, kakhuufnaanki an Waakh kakhuufo ichoow ꞌdooninti an ꞌdooꞌd ꞌdoono a isiiche.

Efeesso 3:4

Wahaas atin soonteen ka, saggi an mali dagsane Kiriisto miinsan igardi aban a tabuuꞌdiin.

2 Koriinto 12:13

Haaggi kaldaye ururre Kiriistoti addan liiyeele atin la atin liikayeelin, a huleesi chilimme an atin ikorin. Khufa ikakuta!

1 Koriinto 3:10

Haaggi Waakhe buurenye liisiiche ka, an a iꞌdi tagaanki minan diso, anna daddaabohi ilaat a dise. Etoo addan la daddaabohaas sarcheeda min kadisa. Iꞌdaasenyi ebba saggi us min idiso a yuubicho giꞌde.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

3 Yoohana 1:9

Urur Kiriisto khadaab ꞌhor a isoochiire iꞌdaasenyi Diyoodirefhi weynaan marmo waansiheey a ꞌdiiꞌde.

Kolossaay 2:13

Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Efeesso 3:2

Saggi dakhi haaggi Waakhe buurenye atin iroon ani liisiiche a daagteen gon.

2 Koriinto 10:13

Nah la wihi nah keeylajno, geeddi mujjumenye nah liichiire ma kunno. Iꞌdaasenyi wihi nah keeylajno ichoow hili Waakh dahanteenyo soogesse a israahaane, atin laka hila goya a kijirtaan.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.