Rooma 12:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Eti sina atin omhicho afalina iweesda on.

Rooma 12:14 Referans Kwoze

1 Beetero 3:9

Eti suujoonkoo kiyeelo ommos kiabaaro aal akagutanne, iꞌdaasenyi iweyso Waakh a imaalo. A mehe wihi atin liiwahe a wahaase, ꞌdee buuh ꞌhessaan.

Mattaayo 5:44

Iꞌdaasenyi wihi an atin iadeeh, chiiytiin ꞌdoona, ꞌdooꞌdi sina atin omhicho la iweesda.

1 'Dessaloonika 5:15

Taba uus etoo kalday laka eti suujoon iyeele suujoon tusan. Iꞌdaasenyi kol tuumman hol dowa, wihi haaggan isiyeela ꞌdooꞌdi addan laka haag iyeela.

Rooma 12:21

Taba giꞌde, suujoon uus atin kahataatine, haag yeela, ꞌdee suujoon sooricha.

Luuka 6:28

ꞌdooꞌdi atin falo imaala, ki atin leeabaarramo la Waakh iwaha.

Yaakoobo 3:10

Afa kaldach on koolo ichoow falo leeyamiitiin. ꞌDooꞌd Kiriistokaaw, uus iꞌdaas itaahan.

Luuka 23:34

Yeesso wihi us yidah, “Aabba, ꞌdooꞌda uskeelicho ikakut! Iꞌdi tahe wihi icho haaggichaan ma gartaanee.” Kura guꞌddateene gaaddiis gisante.

Hilassi Ergaano 7:60

Ulla jilbo il kaguꞌdde weyti riire, “Kamur! ꞌDooꞌda uskeela aleeraahin” yidah. Uus yeedaas massiche on rubey gooche, yumuy.