Rooma 12:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Rooma 12:12 Referans Kwoze

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Ibiraaniya 10:36

Wihi toolla atin lakaꞌdoono a garrahsi, ꞌdee chaꞌatin wihi Waakh ꞌdoono yeesseen ka, wihi us ayyiche ꞌhessaan.

1 Beetero 4:13

Iꞌdaasenyi hamaada jeenteti atin Kiriisto sina ileegisantaane ꞌdee weyti ihamaaddaan maanti weynaantiis enenyet liisoobabbakkaahicho.

Yaakoobo 5:7

Maantaka ꞌdooꞌd Kiriistokaaw, ꞌdooꞌdi samacchaare ateeha ichoowka Kamur a soonokhti. Saggi eti gos leh gosiiski gurnaanki haaggan bahcho isugo yeya. Us a samacchaara one ichoowka hiri oraat ichoow ki ꞌdaꞌddaboot ꞌdeyaan.

Ibiraaniya 6:15

Aburaaham la geeddi deer garrahsi ka Waakh a kakhuufe, wihi goorat Waakh iayyiche ꞌdaꞌddaboka ꞌhele.

Ibiraaniya 6:12

Iꞌda ka la wihi Waakh miinsan ka ma seyꞌhoottaane, iꞌdaasenyi dabati ꞌdooꞌdi samacchaar ichoow kakhuufnaanki icho Waakh kakhuufaan ka wihi Waakh ayyiche muꞌdane raahtaan.

Fiiliffi 4:4

Taba giꞌde, jeenteti atin ichoow Kamur ba wohoo kalday itahiin u, weyti hamaada. Toro la a adeehe, hamaada.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Kolossaay 4:2

Taba, weysi ka orey isohda, geeddaas tuumman isyaakhicha, Waakh la kalaꞌd ilaaba.

2 'Dessaloonika 3:5

Kamur ba uurassiin woya, ꞌdooninti Waakh atin ꞌdoono geeddiche ichoow garrahsihi Kiriisto lakeelo tuum abattaan.

1 'Dessaloonika 5:8

Iꞌdaasenyi inno a ꞌdooꞌdi banay goya kijiro gone, isjeyinno giꞌde. Saggi eti iskareete birtiis gessate kacchiis jeychuu, inno laka kakhuufnaanki inno Kiriisto kakhuufno ichoow ꞌdooninti inno khabno gaacchaankeen a yitaaheen. Toro la khajjeeli saggi Waakh inno iribo kuubno, iꞌdi koofiyati eti iskareet matah jeyisso a inno iyitaahe.

Hilassi Ergaano 1:14

Ichohaas tuumman, ichoow oboorrihoo addan ichoow Maariyati abar Yeessee, ichoow walaalinye Yeesso ba kol tuumman a sooururaane Waakh isleewahtaan.

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

Ibiraaniya 10:32

Bal saggi atin dowwanohi atin Yeesso Kiriisto rummeysatteen ijirteen kasooꞌhela. Sinati buurenye atin tuhuyye, iꞌdaasenyi atin a garrahsatteen one, yombo ma inokhan.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Kolossaay 1:11

Toro la Waakh ba miigtiisti miig tuumman kussan ka atin miigoocha, ꞌdee walahbaaw atin isoobahe ka ꞌdooꞌdi samacchaare tateehiine, garrahsattaan. Toro la hamaadi buure ka,

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.

2 Beetero 1:6

Abannaan la isjeyin kakhaya, isjeyin la garrahsi kakhaya, garrahsi la jiroti Waakh kahamaado kakhaya.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

2 'Dessaloonika 1:4

Maantaka ururreti Waakhe addan saggi nah atin ikeeylajno jeenteti atin sinayyohi atin loomhicho ichoow bolokkhi atin latuso atin kajo ka igarrahsattaane toro la Waakh ikakhuuftaan a icheekna.

1 Koriinto 13:13

Maantaka, waha seyyahcho a sooꞌhadaan, kakhuufnaanki inno Waakh kakhuufno ichoow khajjeeli inno Kiriisto khajjeello ichoow ꞌdooninti inno enenyet ꞌdoonno, iꞌdaasenyi ti weyti kutto, a ꞌdoonin.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Luuka 21:19

Inkoo atin garrahsatteen ka jiroti rummaat ꞌhessaan.”

Luuka 8:15

Iꞌdaasenyi ilmohi harrati haaggan lakachibe a ꞌdooꞌdi hahhaaggane, uuri haaggan khabo Yeedi Waakh daago uuricho gessati, jeenteti us igarrahsatuu gurnaan delo.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

Tiito 2:13

Iꞌdane yeella geeddi inno khajjeeli buuhi Waakh keeno sugno. Waha la a maanti Yeesso Kiriistohi Waakhenye ꞌDoorribeheene weynaantiisti ababto inno liisoobabbakkaahicho.

Kolossaay 1:27

Wihi Waakh ꞌdooꞌdiiskaas igooche, a waha goorat haaggane dagsane yaafohi Yaꞌhuud ieheynan liisoobabbakkaahicho ꞌdooꞌdiis abti. Waha la a Kiriistohi atin ichoow usu ba wohoo kalday tahiine, ꞌdee weynaanti Kamure inno khajjeello isleegisanno.

Rooma 8:25

Chirri inno wohoo inno iꞌhelin khajjeel kakhabno la, inno a garrahsanna, wahaas sugna.

Tiito 3:7

Haaggi Waakhe buurenye inno imunneynan ka, ꞌdooꞌdi fiffissan a inno iekkaache. Waakh waha dakkhane yeele ꞌdee ꞌdooꞌdi jiroti jirtuu imassanne inno khajjeello dalho nateeh.

2 Timooti 3:10

Iꞌdaasenyi at rumanka wihi an ꞌdooꞌd abche ichoow dabateey ichoow mali an khabe a raahte. Iꞌdeey u Waakh a kakhuufte, samacchaare eheete enenyet tuumman a ꞌdoonte, a garrahsatte,

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

Fiiliffi 3:1

ꞌDooꞌd Kiriistokaaw, wihi ꞌdaꞌddaboot, atin ichoow Kamur ba a wohoo kalday gone, taba weyti hamaada. Wihi goorat an atin icheeke iche toro atin isoochiira, iꞌdaasenyi ma ikurmichaane toro la a atin toorribaan.

2 Koriinto 12:8

Kol seyyahe Kamur hawwaasde, waha ikabukkhi iidah.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Hilassi Ergaano 12:5

Beetero ꞌdeerka jeela lagesse. Iꞌdaasenyi urur Kiriisto jeentetiis u weyti Waakh wahte.

Hilassi Ergaano 6:4

Nah la ꞌdee awteenyuu, weysi ichoow hili Waakhe Yeedi Waakh lacheeko a gello.”

Hilassi Ergaano 2:42

Icho kol tuumman wihi ergaano abisse raaheene toro kulankoo kalday isleekhabeen. Icho ichoow ꞌdooꞌdi Kiriisto rummeeste ba isleegolossateene, toro Waakh isleewahteen.

Luuka 10:20

Iꞌdaasenyi ginnayyohi afiin ikutin iihamaadina, iꞌdaasenyi jeenteti magahenyetiin buuggi goobi Waakh goya liikachiire ihamaada.”

Mattaayo 5:12

Girꞌdaama weyti hamaada giꞌde. Waakh goobiis ka kalaꞌddi buurenye atin gutaa. A mehe ꞌdooꞌdi Waákh íyeyyeedo goorat saggaas on sina liiomhiche.