Rooma 12:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Hiliin ka ꞌdooꞌdi seyꞌhooti iitaahana. Rubeyohiin ka hili Kamur tuum gela.

Rooma 12:11 Referans Kwoze

Hilassi Ergaano 18:25

Usu jiti Kamur ka a lawaaniche, uuriis tuumman ka yeyyeede, wori Yeesso miinsan mujjum ꞌdooꞌd abche. Iꞌdaasenyi baattissiyoti us garti tuumman a baattissiyo Yoohana on.

1 Beetero 4:8

Walah tuumman ꞌdirihicho la, weyti isꞌdoona. Iꞌdi tahe ꞌdoonine uskeeli buurenye kakutta.

Ibiraaniya 12:28

Maantaka Waakh dakhi liikorkokinne inno siicha gone, Waakh jiti us kahamaado, roorro ichoow inkaanyit ka kalaꞌd ilaabno toro wahanni giꞌde.

Efeesso 4:28

Eti goorat hatto kaassohti, hatto a ꞌdiicho, hil a haaggicho, wohoo khumman a yeelo ꞌdee eti intiis gaabantahe wihi us leegismo a khabo.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

Hilassi Ergaano 20:19

Makhaaballeti Yaꞌhuud kajmeti suujenye igelisse, eheetteey laka, an a isnuglaache toro oytim ka Kamur ihile.

Mattaayo 24:12

Toro la jeenteti hugunꞌdarri ibuuraattuu, ꞌdooꞌdi ittaawe ꞌdooninti us Waakh ꞌdoono a nuglaatta.

1 Timooti 5:13

Toro la a ollommowaane, kolba minkoo gelaan. Ollom kalday la menye, enenyet hantaane, yeedassi wihicho ieheynan kaaddihaane, wohoo kootte ikamalin essaan.

Bakkaahit 2:4

Iꞌdaasenyi waha a atin kakhaba, saggi atin uumaccho ka ani iꞌdoontaan kola ma iꞌdoontaan.

Kolossaay 4:1

Atinhi kamurree laka saggi atin goobi Waakh ka Kamuroo ikhabtaan a garattaan gone, taba giꞌde ilbooyyetiin saggi mujjume iwoywoya, toro geeddi mujjume guta.

1 Koriinto 7:22

Iꞌdi tahe eti maanti Kamur wahe bowꞌda eheet, Kamur ka a eti furan. Iꞌdaasu la, eti maanti Kamur wahe furneet, a bowꞌda Kiriisto.

Mattaayo 25:26

“Kamuriis wihi us ilaabe, ‘At a ilbooyi suujenye toro seyꞌho leh. At saggi an wihi weheey ieheynan ikhaato, toro la gosi an ikhutin ka gurnaan iyowdi a garatta menya?

Yaakoobo 5:16

Maantaka uskeeli atin isiyeesseen isicheekda, toro la isiweesda, ꞌdee Waakh a atin samaacho. Weysihi eti fissan weyti miig a khabaane toro la wihi buurenye yeelaan.