Rooma 12:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

Rooma 12:10 Referans Kwoze

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.

Ibiraaniya 13:1

ꞌDooꞌdi Kiriisto rummeeste tuumman la orey a isohti, a isꞌdoono giꞌde.

1 Yoohana 4:11

Aalasseeyki an weyti ꞌdoono, Waakh weyti a inno ꞌdoone gone, taba giꞌde inno laka a isꞌdoonno.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

1 Beetero 2:17

Taba enenyet tuumman inkaanyita, ꞌdooꞌdi addane Kiriisto rummeeste ꞌdoona, Waakh karoora, karnat la inkaanyita.

1 'Dessaloonika 4:9

Toolla walah ꞌdooninti atin isꞌdoontaan miinsane atin laatahiine nah atin isoochiirro mele, a mehe Waakh rubeytiis saggi atin isiꞌdoontaan a atin abche.

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

1 Yoohana 4:20

Chiꞌ etoo, “An Waakh a ꞌdoona,” essi, iꞌdaasenyi etoo addane koo Kiriistee nihib, etaas beene leeyahe. Iꞌdi tahe eti tuummane etoo koo Kiriisteenye us arge iꞌdoonin, Waakkhi us iargin ꞌdoonin ma yabuuꞌd.

2 Beetero 1:7

Jiroti Waakh kahamaado la uuri ꞌdabakhe kakhaya, uuri ꞌdabakhe la ꞌdoonin kakhaya.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”

Yoohana 15:17

Amurreteey taacheyye, taba giꞌde isꞌdoona.

Rooma 13:7

Taba giꞌde, ebba wihi miinsan siicha. Taba eti kooddi goocho kooddi iguta, eti chilim liiguto la chilim iguta. Eti inkaanyit imale inkaanyita, eti roorro imasse la karoora.

Hilassi Ergaano 4:32

ꞌDooꞌdi Kiriisto rummeeste tuumman uuricho ichoow malicho a koo kalday. Et, “Waha a wahaaya, waha weheey mee,” yadeeh mele. Iꞌdaasenyi wihicho tuumman a isleegismeen.

Luuka 14:10

Iꞌdaasenyi chirra lakiwahe, harra koorrommo, ꞌdee eti sukuuku leh la a yamiite wihi us kiyadeeh, ‘Aalaaw, kaale inta deefto orrommo.’ At la ꞌdee ꞌdooꞌdi addan goyaka a lakiinkaanyita.

Mattaayo 20:26

Atin ka iꞌdaas mee. Eti tuummane goytiin ka weynaan ꞌdoono, falfatiin a yitaahe.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

Kolossaay 1:4

Wihi nah Waakh kalaꞌd ikalaabno la, a jeenteti nah saggi atin Yeesso Kiriisto ikakhuuftaan idaagne toro la saggi atin ꞌdooꞌdi Waakh tuumman iꞌdoontaan nah idaagne.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Yoohana 17:21

Aabba, a iweesda, ꞌdee icho tuumman wohoo kalday yateehiin, saggi ati ichoow ani wohoo kalday inahe, toro la ani ichoow ati wohoo kalday inahuu. Aabba, a iweesda ꞌdee icho ichoow inno ba wohoo kalday nateehe ꞌdee ꞌdooꞌdi harrata saggi at ani isooeregte rummeesta.