Rooma 12:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Maantaka ꞌdooꞌd Kiriistokaaw, jeenteti uurnugleeli Waakh u, a atin hawwaasda, taba sartiin Waakh ibahcha, iꞌdi soorriyoti jirto toro la munyee u. Soorriyotaas la a ti Waakh kahamaadisso. Waha la a saggi imasse atin Waakh iwahattaan.

Rooma 12:1 Referans Kwoze

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 6:19

Jeenteti atin ꞌdabakkhi weeli enenyet ikhabtaan u, an iyookkoyyohi jiroteen ka inno garanni atin kaleeyyeeda. Atin goorat miilassi sartiin a soobihisseene, bowꞌdayyohi biꞌdiri nool ichoow ti hugunꞌdarriti weyti kakhayanto eheet. Saggaas on u taba, miilassi sartiin bowꞌdayyohi fiffissan ibahcha, ꞌdee ꞌdooꞌdi munyee ateeha.

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Rooma 6:16

Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

2 Koriinto 4:16

Maantaka chirri sarteenyo tamuut laka, nah yombuu yombo ma inokhanni rubeyoheenyo kol dakkhan a lamiigoocha.

1 'Dessaloonika 4:1

ꞌDooꞌd Kiriistokaaw ayti ꞌdaꞌddaboot, saggi atin jiroti Waakh kahamaadisso ijirtaan a atin abinne. Rumanka la iꞌdaas on yeessaan. Toolla la nahi nah ichoow atin ba Yeessohi Kamureene wohoo kalday nahe a atin hawwaassana, taba waha kakhakkhaya yeela.

2 Koriinto 5:20

Maantaka nah a ꞌdooꞌdi meel Kiriisto kijiro. Waha a iꞌdoo Waakh nah ka enenyet hawwaasti. Nah la a atin hawwaassanna iroono Kiriistuu taba keennaanki Waakh ankiis atin keeno raaha.

Efeesso 5:10

Toro la wihi Kamur kahamaadicho ꞌdonꞌdoona.

Fiiliffi 2:17

Chirri liiyagiis laka, diiggeey a iꞌdi sadakhati soorriyotiin lakakhube, an weyti atin leehamaada, toro la hamaadeey atin leegisma. A mehe hiliin a iꞌdi soorriyoti atin Waakh ibihissaane, kakhuufnaanki atin Waakh kakhuuftaan kayamiit.

1 Koriinto 1:10

Maantaka ꞌdooꞌd Kiriistokaaw, anto Yeesso Kiriistohi Kamureene ka a atin hawwaasde, taba atin tuumman isdaaga ꞌdee seley agoggowina. Toro la wihi atin goossaan ka maloo kalday khaba.

Rooma 2:4

Ommos uuri ꞌdabakhenye Waakh atin ikhabo ꞌdarraawtaan? Rumanka us a Waakkhi walah ikanyaamine toro la samacchaare. Atin saggi uuri ꞌdabakhenye Waakh atin ikhabo, atin iwoyo, ꞌdee atin uskeeliin kasoonokhattaan ma garattaan a?

1 Beetero 2:20

Iꞌdaasenyi koolohoh sugta chirri at uskeeli at yeesse on ka lakijahe, at garrahsatte. Iꞌdaasenyi chirri haaggi at yeesse ka sina lakoomhicho, at la garrahsatti, Waakh a kaahamaada.

Fiiliffi 4:18

A mehe wihi atin isooeregteen tuumman a ꞌhele. Geeddi an jiroteey ka ꞌdoono laka ꞌdirihicheeda ꞌhele. Toolla Ebaabara siimohi atin ani isooeregteen tuumman ikeene la, wihi an ꞌdoono tuumman a khaba. Waha a iꞌdi soorriyoti uyuugenye Waakh liibahcho, toro Waakh kahamaado.

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Rooma 15:30

Toollaka ꞌdooꞌd Kiriistokaaw, Yeesso Kiriistohi Kamureene ka ichoow ꞌdooninti Rubeyti Munyee atin siisso ka a atin hawwaasda, Waakh isoowaha diho ileesoogela.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

1 Timooti 2:3

Waha a haagganyahiine toro la Waakkhi ꞌDoorribeheene a kahamaadichaan.

1 'Dessaloonika 5:12

ꞌDooꞌd Kiriistokaaw, a atin daahnee, taba ꞌdooꞌdi Kamur ka goytiin ka hol dowo atin itoollo atin waanicho inkaanyita.

Luuka 7:47

Maantaka wihi an kiadeeh, makhaabassa uskeelicheki ittaawe a liikakute. A mehe ꞌdooninti buurenye itusatte. Iꞌdaasenyi eti uskeeloo rucchul liikakute ꞌdoonintoo rucchul on Waákh tusta.”

Ibiraaniya 13:22

ꞌDooꞌd Kiriistokaaw, a atin hawwaasde, taba, wihi an khadaabaar rucchul ka atin iidahye uur atin miigoocho, nabah isuda giꞌde.

1 Timooti 5:4

Iꞌdaasenyi chiꞌ muunkhotoo nyaakhut khabto ommos hamalo khabto, nyaakhutaas ommos hamalohichekaas koloo goobicho a woywoyeene saggi icho mujjum Waakh iraahaan a abteen. ꞌDeerka jeenteti icho isooweynaacheen u a guteen. A mehe waha weyti Waakh kahamaadichaan.

1 'Dessaloonika 4:10

Rumanka la ꞌdooꞌdi Kiriisto rummeeste boroofenhi Makedooniya kijiro tuumman a ꞌdoontaan. Iꞌdaasenyi ꞌdooꞌd Kiriistokaaw, a atin hawwaassanne, taba kakhaya weyti ꞌdoona.

Rooma 9:23

Ulla toro samacchaare eheete, ꞌdee kamurroonki weynaantiis ꞌdooꞌdi us uur isoonugleesti us orey on tannabiche ꞌdee weynaantiis ꞌhelo tuse.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

2 Koriinto 10:1

Ani Baawulo uur Kiriistoki ꞌdabakhe ka ichoow samacchaar Kiriisto ka a atin hawwaasda. Waha a anihi chaꞌan atin leejiro, uure ꞌdabakhyahe leessi, iꞌdaasenyi chaꞌan atin ileejirin roorro ma khabo leessi.

Fiilemon 1:9

Iꞌdaasenyi ꞌdoonin Kiriisto ka, samacchaar on kihawwaasda. Ani a Baawulo kola a araarrowe, toro la jeente Yeesso Kiriisto jeela ikajira,

Fiilemon 1:10

a kihawwaasde, bal Oneesmo gargaar. Us kola a iꞌdi weelaaya. Iꞌdi tahe an jeela kajiraayi, usu jit Kiriisto abche kola a iꞌdoo an aabbahiis itah.