Rooma 11:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Atinhi ꞌdooꞌdi ilassi addan goorat Waakh raahin a ꞌdiiꞌddeen. Toolla la ꞌdooꞌdi Issiraayel Waakh a raahiwwaaye gone, Waakh uur a atin isoonugleeste.

Rooma 11:30 Referans Kwoze

Kolossaay 3:7

Atin rubeytiin laka jirotiinti raagan ka wahanyeyyoha a kaassahatteen.

1 Koriinto 7:25

Toolla amur Kamur isiiche galtaam miinsan mele. Iꞌdaasenyi jeenteti uurnugleeli Kamure an eti lakakhuufo iahuu, maleey a atin siicha.

2 Koriinto 4:1

Maantaka jeenteti Waakh uurnugleeliis on u hila usu liihilo nah ikorchuu, rubeye ma nah jebto.

Rooma 11:31

Saggaas on u, ꞌdooꞌdi Issiraayel toolla Waakh raahin a ꞌdiiꞌda. Waakh uur a atin isoonugleeste gone, icho laka uur a inugleesta.

1 Beetero 2:10

Atin goorat ꞌhor ꞌdooꞌdi Waakh ma eheynane, iꞌdaasenyi toolla a ꞌdooꞌdi Waakh. Goorat ꞌhor uurnugleeli Waakh ma ꞌheline, iꞌdaasenyi toolla uurnugleeli Waakh a ꞌhesseen.

1 Timooti 1:18

Timooti, weelaaw, amura an kisiicho ichoow wori kimiinsane goorat ꞌdooꞌdi Waákh íyeyyeedo cheeke kisoobaho, a israahaan. Amurane kisiicha ꞌdee woraas at raahto ka, dihoti haaggan gessa,

Rooma 11:29

Iꞌdi tahe Waakh ꞌdooꞌdi us siintiis iꞌdaanu siicho ichoow ꞌdooꞌdi us waho ka maliis ma urgiyicho.

Rooma 15:9

Kiriisto la a yimiyye ꞌdee yaafohi Yaꞌhuud ieheynan Waakh saaꞌdaan jeenteti us enenyet uur ikasoonugleestuu. Iꞌdi liichiiruu, “Maantaka an ꞌdooꞌdi yaafohi Yaꞌhuud ieheynan goyaka a kikoolicha, geeyo ka magahaah a saaꞌda.”

Ibiraaniya 3:18

Toro kamalda bal, ꞌdooꞌdi Waakh idaatte, “ꞌDooꞌda ili an kanascho yombuu tuumman ma gelo,” iyidah a ayyo illeh? ꞌDooꞌdi Waakh rubeytiis daagiwwaaye menya?