Rooma 11:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ ꞌDooꞌdi Issiraayel la chuꞌus uskeeliiski us Waakh ikakhuufin sooꞌdiiche, Waakh icho laka a inokhta, geey kakaba. Iꞌdi tahe Waakh geeyi us toro atin kakabo a yabuuꞌd.

Rooma 11:23 Referans Kwoze

2 Koriinto 3:16

Iꞌdaasenyi maambaaw etoo Kamur iurgiye dafartaas a lakayegcha.

Mattaayo 23:39

A mehe wihi an atin icheeko, yombuu toro ma iargartaane ichoowka, ‘Waakh ki magahi Kamur kayamiit a imaale,’ tadeehiin.”

Rooma 11:17

A iꞌdi liikhimohoo geeyi oolife gos goyaka bahe geeyaas lakasoojebche. Atinhi ꞌdooꞌdi ilassi addane iꞌdi liikhimohi geeyohi oolife yibaat u, a atin lasookhaate geeyi gos goya kabahe atin lakakabe. Maantaka atin laka subakki hiiyyassi geeyaas oolif kayamiit a ꞌhessaan. Geeyaas oolif la a iꞌdi ꞌdooꞌdi Issiraayel.

Rooma 11:24

Atinhi ꞌdooꞌdi ilassi addane a iꞌdi liikhimohi geeyi oolife yibaat lakasoojebche, geeyi oolife gos goyaka il lagesse, lakakabe. Waha la a wihi ꞌhoolenye wihi layeelo mee. Iꞌdaasenyi ꞌdooꞌdi Issiraayel a iꞌdi geeya oolife gos goyaka il lagesse. Geeddoo meheenye ꞌdabakhtahe, chiꞌ liikhinti geeyaas geeyi leh on lakakabo.

Ibiraaniya 3:19

Wihi ꞌdeerka inno abanni, ꞌdooꞌda Waakh ma kakhuufin gone, ilaas icho kanasin leheet a latirte.