Biblia Todo Logo
Bib sou entènèt

- Piblisite -




Rooma 11:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

17 A iꞌdi liikhimohoo geeyi oolife gos goyaka bahe geeyaas lakasoojebche. Atinhi ꞌdooꞌdi ilassi addane iꞌdi liikhimohi geeyohi oolife yibaat u, a atin lasookhaate geeyi gos goya kabahe atin lakakabe. Maantaka atin laka subakki hiiyyassi geeyaas oolif kayamiit a ꞌhessaan. Geeyaas oolif la a iꞌdi ꞌdooꞌdi Issiraayel.

Gade chapit la Kopi




Rooma 11:17
22 Referans Kwoze  

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.


Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.


“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.


Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.


Ayyintaas atin ichoow nyaakhutiin ichoow enenyeti fogaat ichoow ebbaaw addane Kamuri Waakkheene soowahti iche miinsantahe.”


ꞌDooꞌda lammeenye runti Waakh babbakkaahicho a iꞌdi geeyohi lammeenye oolif ichoow reemassi lammeenye taa lakorcho Kamuri harra tuumman dakhti ortiis toollo.


Eti tuummane goyteey ifiddiyin, iꞌdi liikhimeet u a laroga, angaga. Liikhimohi iꞌdaase a lasoosuuna, ꞌdab lakalugꞌda, laguba.


“Nah delmaat ka a Yaꞌhuud. Nah yaafohi Yaꞌhuud ieheynane innohi Yaꞌhuud uskeele kaassohtaan elanni mee.


Yeesso toro wihi us yidah, “An a iꞌdi geeyi sabiibe rummaate, Aabbaheey la a eti gos hil kahaaggicho.


Atinhi ꞌdooꞌdi ilassi addane a iꞌdi liikhimohi geeyi oolife yibaat lakasoojebche, geeyi oolife gos goyaka il lagesse, lakakabe. Waha la a wihi ꞌhoolenye wihi layeelo mee. Iꞌdaasenyi ꞌdooꞌdi Issiraayel a iꞌdi geeya oolife gos goyaka il lagesse. Geeddoo meheenye ꞌdabakhtahe, chiꞌ liikhinti geeyaas geeyi leh on lakakabo.


Swiv nou:

Piblisite


Piblisite