Rooma 10:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”

Rooma 10:15 Referans Kwoze

Efeesso 2:17

Kiriisto a yimiyye yaafohi Yaꞌhuude Waakh idow ichoow atinhi addane Waakh foga ileejirteen wori nebeyeet icheeke.

Efeesso 6:15

Toro la mujjum tolossada, Wori Haaggane nebey lakeelo a iꞌdi kobohi atin gessatteene, diho itannabatteen.

Efeesso 3:8

ꞌDooꞌdi Waakh soobahsate ꞌdaꞌddaran tuumman goyaka ani weyti ꞌdaran. Eheetteey laka, Waakh haaggiiski buure ka, ani wori buuh Kiriistoki wohoo liikookkaan yaafohi Yaꞌhuud ieheynan liicheeko a siiche.

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

Yoohana 20:21

Yeesso toro wihi us iyidah, “Nebeytiin ma furatti! Saggi Aabbaheey ani isooerge, iche an laka atin ierga.”

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 13:26

“Yaafeey, atinhi hiiy Aburaahame ichoow atinhi yaafohi addanenye Waakh karoortaan inno wori saggi Waakh inno iribo a inno liisooerge.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Luuka 10:1

Saahka toro Kamur reeroo addane tomon teeba ichoow lammee soobahche, et lallamma ka iskaꞌdare, ilkerengeeto ichoow meessi tuummane us dowwanoha ka sooirti iergate.

Luuka 8:1

Waha ꞌdubicho ka, Yeesso goobab ichoow ilkerengeeto dah kagooche, Wori Haaggane dakhi Waakh miinsan icheeke. Abattitiisti tomon ichoow lammee laka usu a leejirte.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Luuka 2:10

Iꞌdaasenyi herti Waakh wihi iche ersimo itidah, “Roorro akhabina. Iꞌdi tahe ani Wori Haaggane ꞌdooꞌd tuumman kahamaadicho atin ikeene.

Mattaayo 9:38

Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.”

Hilassi Ergaano 10:36

Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.

Rooma 1:15

Jeentetaas u, anihi atinhi ilkerengeetti weene Rooma taalliin laka Wori Haaggan atin icheeko iche weyti ꞌdoona.

Rooma 15:20

Wihi kol dakkhan uur iꞌdoono a mehe ya, a anihi Wori Haaggan inti magah Kiriisto injire liikadaagin ka cheeko. Iꞌda ka daddaabohi ilaate etoo addan dise sarche ma kadisdi.