Rooma 1:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Waakh maanti us Rubeyti Munyee ka Yeesso Kiriisto omoot kasookahche, jiti miige ka saggi rumanka Yeesso Kiriistohi Kamureene Weeli Waakh iyahe a tuse.

Rooma 1:4 Referans Kwoze

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

2 Koriinto 13:4

Iꞌdi tahe maanti usu lakaahe rumanka iꞌdi weeli enenyet u a ꞌdarneet. Iꞌdaasenyi us miigti Waakh ka a jira. Saggaas on u, nahi Kiriisto ka wohoo kaldaye ꞌdarritiis a leegisanna, iꞌdaasenyi miigti Waakh ka, usu a leejirra.

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.

1 Beetero 1:11

ꞌDooꞌda Waákh íyeyyeedo Rubey Kiriistoti goycho kijirto icho et ichoow maan tusso iche aban ꞌdooneen. Rubey Kiriisto la wahanyeyyoha saggi Kiriisto sina liikawaaricho yomboka liiweynaacho miinsan orey on cheekte.

Rooma 1:3

Weeliissa miinsanyahe, ulla a Yeesso Kiriistohi Kamureene. Sartiis la a sarti weeli enenyete, ulla hiiy karnati Dawuud layadeehe kayimiy.

Hilassi Ergaano 3:15

Atin ki jiro kasoouummanto a tigaaseene, iꞌdaasenyi Waakh omoot a kasookahche. Nah la gartaas a laabna.

Hilassi Ergaano 2:32

Waakh Yeessoha omoot a kasookahche, nah tuumman la gartaas a laabna.

Hilassi Ergaano 2:24

Iꞌdaasenyi Waakh usu omoot a kasookahche, bolokkhi omooteet kasoofure, a mehe omoote usu jeyin ma tabuuꞌd.

Bakkaahit 19:10

An la hertaas Waakh orche ka jilbo il kaguꞌdde, wahan leheet. Iꞌdaasenyi wihi iche itidah “Tabe iꞌdaas ayeelin! Annaka iꞌdi ilbooyyeti wahalhaahenye toro wahalhi ꞌdooꞌdi Kiriisto rummeeste runti Yeesso babbakkaahiche raaho u, Waakh on ifala. Waakh kalday on waho! A mehe runti Yeesso soobabbakkaahiche, a miigti farniinki Waakh lakacheeko.”

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”