Rooma 1:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Icho wihi fissane Waakh enenyet kaꞌdoono us ꞌdooꞌdi jiroti iꞌdee jiro omoot ikagoocho a gartaan. Eheetteey laka, icho orey on isohtaane, uskeel yeelaane, toro la ꞌdooꞌdi addane wihi iꞌdaase yeelo laka leekhabtaan.

Rooma 1:32 Referans Kwoze

Rooma 1:21

Icho eti Waakh yahe a abteene, eheetteey laka inkaanyiti kootte Waakh imale ma siinne, toro la kalaꞌd laka ma ilaabin. Wihi ꞌdalam on kamasseene, toro la uurassicho mugꞌdi weele.

Rooma 6:21

Uskeeli atin yeesseene toolla la atin kalakhaanyeysattaan, indigir us atin ikeene mele. Wihi us keeno dakkhamba a omoot on.

Rooma 1:18

Waakh goobiis on ka, saggi us ꞌdooꞌdi jiroticho ka usu ꞌdiiꞌdo toro uskeel yeelo ikahollowo a tusa. Uskeela ka la, ꞌdooꞌda runti Waakhe laabti iche ꞌdooꞌdi addan kajeycha.

Luuka 11:48

Atin ꞌdeerka aacchinyetiin wihi iche yeesse a ayyissaane gar a laabtaan. Icho ꞌdooꞌdi Waákh íyeyyeedo a bakkicheene, atin la hawwaalohicho disseen.

Hilassi Ergaano 22:20

Maanti Isiteefano jeenteti us woraah icheeko liiyigis, ani rubeyteey intaas a kajire, ogoossiis ayyiche, darfohi ꞌdooꞌdi usú yigis yaakhiche.’

Hilassi Ergaano 8:1

Saawulo laka intaas a kijire, ullaka Isiteefanohi layagiis a ayyiche. Maantaas on urur Kiriistoki ilkerengeetti weene Yeerusaleem kajiro sinati weyti loomhicho lasookhabte. Ergaano on menye, ꞌdooꞌd Kiriisto tuumman ilassi Yaꞌhuudiya ichoow ki Saamariya iche liitaaꞌhiche.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

2 'Dessaloonika 2:12

Iꞌdane yeela ꞌdee jeenteti icho runti icho ribto irummeysanne, iꞌdaasenyi icho suujoonki icho yeelaan ikahamaadaan u, icho tuumman berri sina igoocha.