Rooma 1:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Icho eti Waakh yahe a abteene, eheetteey laka inkaanyiti kootte Waakh imale ma siinne, toro la kalaꞌd laka ma ilaabin. Wihi ꞌdalam on kamasseene, toro la uurassicho mugꞌdi weele.

Rooma 1:21 Referans Kwoze

2 Timooti 3:2

Ebba awtiissa on ꞌdoona, chilim ꞌdoona, serey isgeecha, eylaja, enenyet meꞌdeꞌddeela, ꞌdooꞌdi dele ma daago, kalaꞌd mele, Waakh ma inkaanyito.

Bakkaahit 14:7

Iche la hooyi buure ka wihi iche tidah, “Taba, Waakh karoora, toro la saaꞌda! Iꞌdi tahe ibeenki Waakh weeli enenyet hukkumo a yitah. Waakkhi serey ichoow harra ichoow bey ichoow indohi biccheet ba soouume, wahda.”

Yoohana 3:19

“Wihi Waakh gooche kallaayo. Runti Waakhe iꞌdi banayeete harra a soogesse, iꞌdaasenyi enenyet banayhi Waakh menye, mugꞌdi on ꞌdoona. A mehe wihi icho yeelaan a wihi uskeel kaldach on.

Bakkaahit 15:4

Kamuroow ayyo ikaaroorine, magahaah ikoolin? A mehe ati kalday on munyee. Yaafohi harra tuumman a yamiitiine, toro ati kiwahtaan. Iꞌdi tahe wihi fissane at yeesso a soobabbakkaahisse.”

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

Rooma 11:10

Genney indohicho ꞌduuꞌdamaane, icho il argiwwaayaan. Toro la genney huleesicho dabarreticho jirtuu jebcha.”

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Rooma 1:19

Runta Waakh miinsane enenyet garti la a ti nyiikhsan on. Waakh rubeytiissa isoonyiikhe.

Rooma 15:9

Kiriisto la a yimiyye ꞌdee yaafohi Yaꞌhuud ieheynan Waakh saaꞌdaan jeenteti us enenyet uur ikasoonugleestuu. Iꞌdi liichiiruu, “Maantaka an ꞌdooꞌdi yaafohi Yaꞌhuud ieheynan goyaka a kikoolicha, geeyo ka magahaah a saaꞌda.”

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

1 Beetero 1:18

Iꞌdi tahe a garattaane, jiroti ilmarhaatteete atin aacchinyetiin kaꞌhesseen, wahanyeyyohi suujowo iꞌdi maanta lahaag ommos ꞌdahab mee lagute atin lafure.