Rooma 1:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ A mehe uuꞌ goorat harra lasoouume, weeli enenyet saggi miigti Waakh jirtuu tuumman ijirto ichoow saggi us rumanka Waakh iyahe, a abte. Wahanyeyyoha Waakh leeyahe ma laargo, iꞌdaasenyi wihi Waakh soouume tuumman ka a lagarta. Jeentetaas u, wohoo rucchule icho laabaan ma khabaan.

Rooma 1:20 Referans Kwoze

Rooma 1:19

Runta Waakh miinsane enenyet garti la a ti nyiikhsan on. Waakh rubeytiissa isoonyiikhe.

Rooma 2:15

Sohoticho wihi us tuso a mehe ya, wihi amurre Muusa enenyet kaꞌdoonto a iꞌdoo uurassicho goya lakachiire. Rubeyohichoki haag ichoow suujoon seley saaho laka waha a cheekaan. Toro la malassicho ankoo ka saggi icho uskeel iyeeleene cheekaane, ankoo ka la a iyeyyeedaane saggi icho haag iyeeleen icheekaan.

Yoohana 1:18

Et injire Waákh arge mele. Iꞌdaasenyi Weeliiski kaldaye ullaka Waakhenye Aabbaheen garabiis kijiro, eti Waakh yahe a inno isoobabbakkaahiche.

Yoohana 15:22

“Chirri goorat an iimaatane an icho ileeyyeedin, uskeel lakacheekti mele gon. Iꞌdaasenyi toolla uskeelicho ka walah icho laabaan mele.

1 Timooti 1:17

Toollaka Karnati jirtuu tuumman jiro, jirtuu iumaatane, indo ka liiargine, Waakkhi keleye, jirtuu tuumman a liinkaanyito toro la a lasaaꞌdo. Aamiin.

Kolossaay 2:9

A mehe tuunki Waakh sarti enenyete Kiriisto kayaal.

Ibiraaniya 9:14

Iꞌdaasenyi Kiriisto miigti Rubeyti Waakhe jirtuu tuumman jirto ka soorriyoti miꞌdabenye Waakh isibahcho yitah. Geeddoo meheenye ꞌdeerka diig Kiriisto rubeyoheenki haag ichoow suujoon seley saaho uskeeli inno yeello omoot inno iwoyo kadikha, ꞌdee Waakkhi jiro ihilla.

Rooma 2:1

Maantaka atihi etoo addan uuraah goyaka hukkunto, wihi ati isikaayyeeddo ma khabto. Iꞌdi tahe walahbaaw at etoo addan uuraah goyaka kahukkunto, a iꞌdoo at uskeel isigoosso. Iꞌdi tahe wihi etaas yeelo on at laka yeessa.

Kolossaay 1:15

Kiriisto a fooli Waakkhi liiargin, a huraati wihi lasoouume tuumman iween.

1 Timooti 6:16

Usu kalday on iumaatane banayhi weyti ababo liikadowwaan goya fiddiya. Et injire arge mele et sooargo la mele. Jirtuu tuumman la inkaanyit ichoow miigti jirtuu imassan a wihiissa. Aamiin.

Rooma 16:26

Iꞌdaasenyi runta dagsan toolla weyti lasoobabbakkaahiche. Runtaas la Chiirnaanneti Waakhe ꞌdooꞌdi Waákh íyeyyeedo ka a lacheeke. Waha la saggi Waakkhi jirtuu tuumman jiro iꞌdoono inno isoocheeke, iche liiyeele. Amuri us inno ibahche la a mehe ya, nyaama runtaas yaafohi harra tuumman abcha, ꞌdee Kiriisto a kakhuufeene, toro la a raaheen.

Hilassi Ergaano 17:29

“Maantaka inno a nyaakhuti Waakh gone, kol Waakh iꞌdi iyookkoyyohi ꞌdahabyahe ommos iꞌdi lahaageetyahe ommos iꞌdi dagakki layeele yahe ommos iꞌdi iyookkoyyohi layeelo yahe uus inno koogeynan.

Ibiraaniya 11:27

Muusa la kakhuufnaanki us Waakh kakhuufe on ka, iche ili Miissiri kabahe, holi karnat hollowe la ma karoorin. Ulla iꞌdoo us Waakkhi liiargin iarge u, yombohi us inokhti ꞌdiiꞌde.

Mattaayo 5:45

Iꞌdaakka nyaakhuti Aabbahiinki serey jiro tateehiin. Us ꞌdooꞌdi sussuuje ichoow ki hahhaaggan ba orrah a isookorcha, ꞌdooꞌdi fiffissan ichoow ki khokkhollokkhan ba hir siicha.

Hilassi Ergaano 22:1

Baawulo wihi us yidah, “Yaaftaay ichoow ooyenyeey, bal geedda an ortiin ka isiyeyyeedo idagansada.”

Marko 10:6

Iꞌdaasenyi uumaccho ka, maanti Waakh walah dakkhan soouume, ‘labo ichoow deyyeho soouume.’

1 Koriinto 1:20

ꞌDeerka ꞌdooꞌdi kharayyee meeke? Tagaammeti amurre meete? ꞌDooꞌdi weyti yeyyeed garti meeke? Ma jiraan! Waakh kharati ꞌdooꞌdi harrata ꞌdalam ma kayeelin a?