Rooma 1:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Waakh goobiis on ka, saggi us ꞌdooꞌdi jiroticho ka usu ꞌdiiꞌdo toro uskeel yeelo ikahollowo a tusa. Uskeela ka la, ꞌdooꞌda runti Waakhe laabti iche ꞌdooꞌdi addan kajeycha.

Rooma 1:18 Referans Kwoze

Efeesso 5:6

Uus etoo kalday laka yeedi ilmarhaatteet ka atin ekkeysan. Iꞌdi tahe jeenteti wahanyeyyohi iꞌdee u, holi Waakh ꞌdooꞌdi usú iraahin a isoobaha.

Rooma 1:32

Icho wihi fissane Waakh enenyet kaꞌdoono us ꞌdooꞌdi jiroti iꞌdee jiro omoot ikagoocho a gartaan. Eheetteey laka, icho orey on isohtaane, uskeel yeelaane, toro la ꞌdooꞌdi addane wihi iꞌdaase yeelo laka leekhabtaan.

Kolossaay 3:6

Jeenteti waha u, holi Waakhe kuleele ꞌdooꞌda yeediis iraahin a iyamiit.

2 'Dessaloonika 2:10

Toro la suujoon tuumman ka ꞌdooꞌdi ki labaabiichee ekkeesta. ꞌDooꞌda jeenteti icho wori rummaat ꞌdoonin iꞌdiiꞌdeene liibaabiicha, ꞌdeerka ribnaan laka waayaan.

Rooma 6:13

Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 5:9

Diig Kiriisto ka, Waakh ꞌdooꞌdi fiffissane inno iekkaache gone, geeddoo meheenye Kiriisto ka holi Waakh inno lakariba?

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 1:28

Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.

Rooma 2:3

Maantaka chirri atinhi weeli enenyete eti wihi iꞌdee yeelo uurassiin ka hukkuntaane iꞌdaasenyi atin rubeytiin wahaas yeessaan, kol atin hukkunki Waakh atin hukkumo kabahsattaane koogtahiin?

Rooma 1:19

Runta Waakh miinsane enenyet garti la a ti nyiikhsan on. Waakh rubeytiissa isoonyiikhe.

Rooma 5:6

A mehe geeddi inno uliba miigtoo rucchule inno iskaribno awteen u ikhabin laka, Kiriisto innohi Waakh ꞌdiiꞌdne a inno iyumuy. Waha la a maanti Waakh on gooche.

Rooma 3:9

Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

2 'Dessaloonika 2:6

Atin la wihi toolla usu jeycho a garattaane, ꞌdee maanti ibeenki goorat liigooche yitah ka soobaha.