Rooma 1:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Wora Haaggan wihi us soobabbakkaahicho a saggi Waakh enenyet ꞌdooꞌdi ortiis ka fiffissan ikayeelo. Waha la koli enenyet Waakh kakhuufe kaldach on yateehiin. Iꞌdi liichiiruu, “Eti Waakh ortiis ka fissan Waakhe rummeesta. Saggaase rumanka jiro ikhaba.”

Rooma 1:17 Referans Kwoze

Galaatiya 3:11

Wihi nyiikhsan, et amurre Muusati us raaho ka Waakh eti fissan iekkaacho mele. A mehe, “Eti fissan kakhuufnaanki us Waakh kakhuufo ka a jira.”

Ibiraaniya 10:38

Iꞌdaasenyi eteeyki fissan ani ikakhuufa, kakhuufnaankaas ka jira. Eti adah ikakhabti, ma kahamaado.”

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Rooma 9:30

ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.

Rooma 3:21

Toollaka Waakh jiti us ꞌdooꞌdi fiffissan inno iekkaacho a soobabbakkaahiche. Jita la ki amurre laraaho menye, a jiti goorat archiiy Chiirnaanneti amurre Muusa ichoow ti ꞌdooꞌdi Waákh íyeyyeedo cheekte.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Rooma 10:3

Icho jiti Waakh enenyet ꞌdooꞌdi fiffissan iekkaacho ma aban. Icho awtichooda on u jiti icho ꞌdooꞌdi fiffissan iskayeelaan yowtaan. Icho jiti Waakh enenyet ꞌdooꞌdi fiffissan iekkaacho raahin a ꞌdiiꞌdeen.

2 Koriinto 3:9

Chirri hili enenyet uskeel igoocho ababnaanki geeddee khabe, geeddoo meheenye ababnaanki hili enenyet Waakh ortiis ka ficcho kuta.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.