Rooma 1:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

Rooma 1:16 Referans Kwoze

Marko 8:38

Chirri etoo ꞌdooꞌda weyꞌdane waakkhassi addan wahti uskeel leh goyaka ani ikuuryaawo toro yeedeey kuuryaawo, Ínam Aadam laka maanti us miig Aabbahiis ichoow ti herti Waakhe munyee leesoonokhti, usu a kuuryaawa.”

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

1 Beetero 4:16

Iꞌdaasenyi chiꞌ jeenteti at koo Kiriisto itahuu sina kitaham uuryaawine, jeenteti magah Kiriisto liikaawahuu Waakh kooli.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Luuka 9:26

Chirri etoo ani ikuuryaawo toro yeedeey kuuryaawo, Ínam Aadam maanti us ababnaankiis ichoow ababnaan Aabbahiis ichoow ki herti Waakhe munyee leesoonokhti usu a kuuryaawa.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

1 Koriinto 2:2

Iꞌdi tahe wihi an gooche, geeddi an atin leejiro, wor Yeesso Kiriisto ichoow saggi massalaaba liikakaahe on menye, wohoo addan garan ma ꞌdoonin.

Rooma 10:17

Maantaka kakhuufnaanki Waakh lakakhuufo Wora Haaggane ladaago kayamiit. Wora Haaggan la chirri wori Kiriisto miinsan lacheeko iche ladaaga.

Ibiraaniya 4:12

Wihi Waakh yidah a iꞌdi wihi jiro khabo, miig laka khabo. Afi Yeedi Waakh leeyahiin la afi birlab laka a kutaane, rubey ichoow uur laka seley a goocha, toro la inti hubno ichoow duh kijiraan seley a goocha. Yeedi Waakh wihi suuje ichoow wihi haaggane uureen kijiro a tusa, mali enenyet ichoow wihi enenyet ꞌdoono dagsan laka mujjume fiiricha.

1 Koriinto 15:2

Wora Haaggan ka la chirri atin wihi an atin icheeke tuumman mujjum khucchissaan, a atin lariba. Chaꞌatin Wori Haaggan on menye wohoo addan rummeysatteen la, immarah on rummeysatteen gon.

Galaatiya 1:7

Rumanka Wori Haaggan koo addan ma jiro. Iꞌdaasenyi ꞌdooꞌdoo atin waraariya, toro Wori Haaggane Kiriisto miinsan baabulin ꞌdoona.

Rooma 2:9

Waakh sina ichoow bolokh eti tuummane suujoon yeelo a tusa, yaafohi Yaꞌhuude kasookhabta, ꞌdee yaafohi Yaꞌhuud ieheynan ikuta.

Hilassi Ergaano 3:26

Maanti Waakh falfatiis sooerge, kolooraat atine atin isooerge, ꞌdee ebba jitiiski suuje kasoolaaba. Waakh saggaase atin ikamaale.”

1 'Dessaloonika 2:13

Maanti atin Yeedi Waakhe atin nah kadaagteen khaatatteen, atin saggi yeedi weeli enenyet menye, saggi us rumanka Yeedi Waakh iyahe on ikhaatatteen. Yeeda atin rummeysatteen la a atin urgiyicha. Jeentetuu laka kol dakkhan Waakh kalaꞌd a ilaabna.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.

2 Koriinto 9:13

Hila saggi atin rumanka Kiriisto iraahtaane tuse. Wori Haaggane atin kakhuufteen ka, wahanyeyyohi Waakh a raahteen. Toro la wihi atin khabtaan icho ichoow ꞌdooꞌdi addan a leegisanteen. Jeenteti waha dakkhan u ꞌdooꞌd Waakh a koolicha.

2 Koriinto 2:12

Maanti an ilkerengeetti Tuurowa imiyye an Wori Haaggane Kiriisto miinsan an cheeke, Kamur jitoo a ifure.

1 Koriinto 9:18

ꞌDeerka kalaꞌddeey a mehe? Kalaꞌddeey talla, Wora Haaggane an cheeko et iguto mele, toro la wihi imuꞌdan ka, an wohoo rucchul laka ma khaato.

1 Koriinto 9:12

Chirri ꞌdooꞌdi addan gargaari us atin kaꞌhelo muꞌdanyahe, nah kootte incheenka ꞌdirihicho ma muꞌdan a? Iꞌdaasenyi nah wahaas nah muꞌdan ma khaatin. Nah sina tuummane igarrahsanne, ꞌdee wohoo rucchule Wora Haaggane Kiriisto miinsan jeycho ma jiraan.

Rooma 15:29

ꞌDee maantaas an goytiin imiy la, wihi an tissibo buuh Kiriisto tuume atin ileeamiit.

Rooma 15:19

Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

2 Timooti 1:16

Kamur ba goob Oneesiferas uur isoonugleesta. A mehe us geeddi buure a ikahamaadiche. Maanti an jeela kijire laka, us uur a imiigooche toro ma ikalakhaanyeysan.

Rooma 4:11

Sumatti Aburaaham khandi ka lasunte mehe tussa ya, geeddi liikhandiyin on Waakh usu eti fissan iekkaache, jeenteti us Waakh ikakhuufo on u. Aburaaham ꞌdeerka a iꞌdoo us ooyohi ꞌdooꞌdi Waakh kakhuufo yitah chiꞌicho liikhandiyin laka. Iꞌdi Aburaaham u jeenteti icho Waakh ikakhuufaan, iche Waakh ꞌdooꞌdi fiffissan iekkaacha.

Yoohana 7:35

Weynaanti Yaꞌhuud isinokhatte wihi iche isworsatte, “Inta us irti, inno usu ikaꞌhelin a intoh? Inti ꞌdooꞌdeen kijiro yaafohi Yaꞌhuud ieheynan goya kataasanyahe iche irta yaafohi Yaꞌhuud ieheynan wori Waakh abcha?