Rooma 1:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Jeentetaas u, anihi atinhi ilkerengeetti weene Rooma taalliin laka Wori Haaggan atin icheeko iche weyti ꞌdoona.

Rooma 1:15 Referans Kwoze

Rooma 15:20

Wihi kol dakkhan uur iꞌdoono a mehe ya, a anihi Wori Haaggan inti magah Kiriisto injire liikadaagin ka cheeko. Iꞌda ka daddaabohi ilaate etoo addan dise sarche ma kadisdi.

1 Koriinto 9:17

Chirri ani jeenteti an iꞌdoono on u an Wora Haaggan icheeko, ꞌdeerka kalaꞌd a suga gon. Iꞌdaasenyi, Waakh a isoobahsate hila ikorche sag an ikabahsadi la mele.

Mattaayo 9:38

Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.”

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.

Rooma 12:18

Chiꞌiche tateeh, geeddi atin tabuuꞌdiin tuumman, hol dowa, ꞌdooꞌdi addan nebey kaleefiddiya.

Hilassi Ergaano 21:13

Baawulo wihi us ilaabe, “A iꞌdoh iꞌduu iooytaane uur iuskulaassaan? An hiinaanki liihido kalday menye, anihi ilkerengeetti weene Yeerusaleem ka jeente Yeessohi Kamure amuut laka ma ꞌdiiꞌdo!”

Yoohana 4:34

Yeesso la wihi us iyidah, “Wihi uur iꞌdoono iꞌdi gololeeye a mehe ya, a anihi wihi Waakkhi isooerge ꞌdoono yeelo, toro la hili goorat us dahanteey soogesse massicho.

Marko 14:8

Makhaabassa wihi iche tabuuꞌd tuummane yeesse. Sarteey miricchi ka subahte, orey on geeddi liihawwaalin tannabisse.

Rooma 10:15

ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”