Rooma 1:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Hili Waakh ikorche a ki enenyet tuumman. Ani ꞌdooꞌdi hugummeti Giriig raaho ichoow ki hugummeti Giriig iraahin ba hilichooda khaba. Ani ꞌdooꞌdi soome ichoow ki isoomin ba hilichooda khaba.

Rooma 1:14 Referans Kwoze

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Rooma 12:16

Maloo kalday khaba. Eeylajina, ꞌdooꞌdi miskiine fiddihi haaggan ikhaba. Weyti serey iisgeenna.

2 Koriinto 11:19

Iꞌdi tahe atin weyti a kharayyo, ꞌdooꞌdi ꞌdalammee laka hamaad ka a igarrahsattaan.

Rooma 16:19

Enenyet tuumman saggi atin Kamur iraahtaan a garta. Anna weyti atin kahamaada. Iꞌdaasenyi wihi an atin kaꞌdoono kallaayo, taba giꞌde, wihi haaggan ka kharaawa, anki suujoon ka la, iꞌdi eti wohoo igaran ateeha.

Rooma 13:8

Mogti kaldaye atin iskakhabtaan, ti atin isꞌdoontaan on menye, too addan iiskakhabina. Iꞌdi tahe eti etoo addan ꞌdoono, rumanka amurre Muusa wihiche a buuhicha.

Rooma 8:12

Maantaka ꞌdooꞌd Kiriistokaaw, wihi rumanka Waakh inno kaꞌdoono, uus koloo kalday laka jiroteen ichoow wihi uurasseen goya kijiro uskeel imoono israahin.

Rooma 1:22

Icho rubeycho khara iskaayyeeleene, eheetteey laka ꞌdalammeti tuunte eheet.

Tiito 3:3

Iꞌdi tahe inno rubeyteen laka ꞌhor ꞌdooꞌdi ꞌdalammeenye yeed idaagine leekkeeste, bowꞌdati wahanyeyyohi noole uurasseen imoonaane toro kahamaadicho on eheet. Jiroteen wihi buuhe a suujoon ichoow kalꞌdarri. A inno laꞌdiiꞌde inno laka ꞌdooꞌdi addan a ꞌdiiꞌdne.

2 Timooti 2:10

Maantaka jeenteti ꞌdooꞌdi Waakh soobahsatuu an walah tuumman a igarrahsada, ꞌdee icho laka ribnaan ichoow weynaanti jirtuu imassanne Yeesso Kiriisto lakaꞌhelo ꞌhelaan.

2 Koriinto 10:12

Rumanka nah koloo kalday laka ꞌdooꞌdi haaggiis enenyet icheeko ma kajno ekkatiis ma iskayeello, ommos ma kajno icho ma iskekkaanno. Wihi icho yeelaan a ꞌdalammoon on. Iꞌdi tahe icho haaggicho ka a isrerreegaane toro haaggicho iskeekkaachaan.

1 Koriinto 14:16

Chaꞌat rubey ka Waakh saaꞌddo, ꞌdooꞌdoo siintaas ikhabin la kileejiro, saggoh, “Aamiin,” iyadeehiin, chirri icho wihi at elatti idaagin?

1 Koriinto 14:11

Chirri ꞌdeerka an afoo foolicho ikhabin, an etaas ka a yeelanahe, etaas la ani ka a yeelayyahe.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

1 Koriinto 2:13

Nah la wahaase cheekna, yeedassi kharati weeli enenyet kayimiy ka menye, yeedassi Rubeyti Munyee nah abisso iche kacheekna. Nah laka yeedassa ka, runti Rubeyti Munyee katamiite Rubeyti Munyee soobabbakkaahisso iche enenyet abinna.

Rooma 11:25

ꞌDooꞌd Kiriistokaaw, runtoo dagsane an atinhi abattaan ꞌdoono iche jirta, uus ꞌdee atin wihi atin tahiin ka weyti serey isgeenne. Waha la iꞌdicho a iꞌda, ꞌdooꞌdoo Issiraayel matahenyeticho a lamiigooche, iꞌdaasenyi ꞌdee maanti ꞌdooꞌdi yaafohi Yaꞌhuud ieheynan tiricho buuhsame, matahmiigtichotaas a massatta on.

Hilassi Ergaano 28:4

Chirri ꞌdooꞌdi ilaas toofi dahan Baawulo kalollooꞌdo arge ka, wihi icho isiyidaaheen, “Eta rumanka diige khaba, a mehe chirri us beyti buure goyaka iumaatan laka, waakkheenki Ki Jiti Fissan Ka Enenyet Hukkumo layadeeh usu jiro a tirte.”

Hilassi Ergaano 28:2

ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen.

Luuka 10:21

Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.