Rooma 1:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Wihi an eldi a mehe ya, saggi eteen ba Kiriisto ikakhuufo ka, uur a ismiigoonna.

Rooma 1:12 Referans Kwoze

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

2 Koriinto 7:13

Maantaka waha weyti uur nah khoboocheen. Uur kalday ma nah khoboonne, wihi kach ka nah kahamaadiche a hamaadi Tiito khabe jeenteti atin tuumman waꞌdwaaꞌdi us khabe ibihisseen.

Rooma 15:32

ꞌdee chiꞌiche ꞌdooninti Waakh tahe anihi hamaad khabo goytiin a imaate, goytiin a kanaso, a isleehamaano.

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.

2 Yoohana 1:4

An weyti hamaade chaꞌan nyaakhutaahki gaasoo usuhi runti Waakh raaho arge, saggi Waakkhi Aabbaheene amur inno isiichuu.

2 Timooti 1:4

Chaꞌan saggi maanti inno seley bahne at iooyte kasooꞌhelo, anihi kaargo ꞌdee hamaadi buure ibuuhicho ꞌdoona.

Efeesso 4:5

Kamur a koo kalday one, jiti inno Waakh kakhuufno la a koo kalday one, baattissiyoti inno labaattissiye la a too kalday on.

Rooma 15:24

mali an khabo a mehe ya, maanti an ili Isbaaniya isohdi a atin sooꞌdaara. Khajjeeli an khabo a ki an atin leeamiite, ꞌdee atin luhlo iyeessaan. Waha la a inkoo an geeddoo atin leebarye, inno isleehamaane.

Rooma 1:11

Anihi atin argo ꞌdee siintoo Rubeyti Munyee katamiit atin siicho, ꞌdee rubeyohiin miigowaan weyti imoona.

Rooma 1:13

ꞌDooꞌd Kiriistokaaw, saggi an kolassi ittaawe anihi atin sooꞌdaaro iꞌdoone, iꞌdaasenyi ichoowka uliba wohoo on ijeychaan abda. Anihi goytiin ka hil haaggicho gurnaanki Rubeyti Munyee argo iche ꞌdoona, saggi maanta an ꞌdooꞌdi addane yaafohi Yaꞌhuud ieheynan goyaka hil ihaaggiche ichoowka gurnaan isoobahuu.