Rooma 1:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Chaꞌan weesdi Waakhe hawwaasda, ꞌdee chiꞌ ꞌdoonintiis tahe, Waakh jit isoofura, ꞌdee dowwanoha ka atin sooꞌdaara.

Rooma 1:10 Referans Kwoze

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Yaakoobo 4:15

Wihi deefo a atinhi, “Chiꞌ Waakh ꞌdoono a jirra, waha ichoow wahaas yeella,” tadeehiin.

Fiilemon 1:22

Wihi addane an kidaaho kallaayo, minki marti ka inti an baryo ihaaggi. A mehe khajjeeli an khabo a ki Waakh weysihiin daago, us toro ani goytiin isoolaabo.

1 'Dessaloonika 2:18

A mehe atin sooꞌdaarin a ꞌdoonne. Ani, Baawulo kolassi ittaawenye inonnokhde kaje, iꞌdaasenyi Seytaan a nah tirte.

Ibiraaniya 13:19

Weyti la a atin hawwaasde, Waakh isoowaha, ꞌdee dowwanoha ka toro a atin isoonokhdi.

Fiiliffi 4:6

Wohoo rucchul ka laka awaꞌdwaaꞌdina. Weysi ka ichoow hawwaassihi atin Waakh hawwaassattaan ichoow kalaꞌddi atin laabtaan ka, Waakh walah dakkhan daaha.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

1 Koriinto 4:19

Iꞌdaasenyi afi Kamur ka dowwanoha ka a atin sooꞌdaara. Chaꞌan imiy la ꞌdooꞌda eylajo wihi icho essaan kalday on menye, icho wihi Waakh miinsan ka miig khabo ichoow ichohuus a abda.

Hilassi Ergaano 21:14

Chirri saggi nah usu isoolaabno waayne ka, “Wihi Kamur ꞌdoono a yitaaheen,” nidahye, ꞌdiinne.

Rooma 15:29

ꞌDee maantaas an goytiin imiy la, wihi an tissibo buuh Kiriisto tuume atin ileeamiit.

1 Koriinto 1:1

Khadaaba eti atin isoochiiro, a ani Baawulo ichoow eteenki koo Kiriisteenye Soosteena layadeeh. Anna Waakhe jeenteti us iꞌdoono on u, iwahe ergaano Yeesso Kiriisto ikayeele.