Mattaayo 9:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² ꞌDooꞌdoo etoo khannane sar tuumman hanjaawte ilaal kasoosiꞌde, ikeene. Chirri Yeesso saggi ꞌdooꞌdaas usu ikakhuufo arge ka, wihi us etaas sare hanjaawte iyidah, “Inankaaw, aburꞌdowin! Uskeelaah a liikaakutee!”

Mattaayo 9:2 Referans Kwoze

Mattaayo 9:22

Yeesso la urgiye makhaabál arge, wihi us iyidah, “Inantaay, aburꞌdowin! Kakhuufnaanki at ikakhuufte a kisamaache.” Makhaabale chirraas on samaatte.

Yaakoobo 2:18

Iꞌdaasenyi etoo mehe yadeeh ya, “Eemba at Kiriisto a kakhuufta, ani la haage yeela.” Wihi an etaas ilaabo a mehe ya, “Bal saggi at Kiriisto on ikakhuufto toro la haag iyeelin itus. Ani la haaggi an yeelo ka saggi an Kiriisto ikakhuufo a kitusaa.”

Hilassi Ergaano 19:12

ꞌDeerka dafartoor fool lakahiyyaayti ichoow darfohiiski chaafo kalaabo sartiissa on ꞌdaare laka a lakhaata ꞌdooꞌdi khakkhannan liigeecha, samaataane ginnayyo laka enenyet goya lakariha.

Yoohana 21:5

Yeesso chirraakka wihi us abatti iyidah, “Era, walah bahagenye atin khabatteen mele?” Wihi icho ilaabeen, “Walah nah khabanne mele.”

Mattaayo 8:10

Chirri Yeesso waha daage ka weyti girmeeste, wihi us ururi sooraaho iyidah, “Rume atin icheeka, an injire yaafohi Issiraayel goyaka, eti geedda weyti Waakh kakhuufo ma ꞌhelin.

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Rooma 5:11

Waha kalday la menye, Yeesso Kiriistohi Kamureene ka Waakh a keeylajna, a mehe Kiriisto ka Waakh ankiis a inno keene.

Hilassi Ergaano 14:9

Geedda Baawulo yeyyeedo dagansate. Baawulo indo katoolliche, saggi us Waakkhi usu samaacho ikakhuufo arge,

Yoohana 16:33

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Mattaayo 9:6

Iꞌdaasenyi saggi Ínam Aadam antohi us harrata ka enenyet uskeel ikakuto ikhabo a abattaan.” ꞌDeerka wihi us eti sare hanjaawte iyidah, “Tolosso ilaalaah okkhiche, goob iro!”

Mattaayo 8:16

Chirri il gelebnowe ka, ꞌdooꞌdi ittaawenye ginnayyo dakhtaan usu liikeene, ulla yeedi afoot on ka ginnayyo kabahche, toro la ꞌdooꞌdi khakkhannan tuumman samaache.

Yoohana 2:25

Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

Marko 5:34

Ulla wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro, sinati sugeer kikeene a lakasamaachee.”

Marko 1:32

Gelebtaas, inkoo orrahe dihte ka, enenyet ꞌdooꞌdi khakkhannan ichoow ki ginna dakhatti tuumman ba Yeesso ikeene.

Mattaayo 6:12

Uskeeli nah yeelle nah ikakut, saggi nah laka ꞌdooꞌdi uskeel nah iyeele uskeel ikakunnuu.

Mattaayo 9:5

Mehe maanta ki addan kaꞌdabakhe, chirri an, ‘Uskeelaah a liikaakute,’ iadeeh a ommos an, ‘Kahe soho’ iadeeh?

Mattaayo 14:27

Iꞌdaasenyi Yeesso chirraas on, “Anahina, a ani roorro akhabina!” iyidah.

Marko 6:50

A mehe iche tuumman a agarte, nahte rubey kabahte. Yeesso chirraas on, “Anahina, a ani roorro akhabina,” iyidah.

Marko 10:49

Yeesso tolossate, “Soowaha,” yidah. ꞌDeerka eti indo laa waheene, “Hamaad! Sookah, Yeesso a kiwahaa,” iyidaaheen.

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”