Mattaayo 8:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Etaas koobbintoo iskareet itoollo la wihi us Yeesso ilaabe, “Kamur, at minkeeyki at tamiit ma muꞌdane iꞌdaasenyi intaas on ka sooyeed, ilbooyeey la a samaataa.

Mattaayo 8:8 Referans Kwoze

Mattaayo 8:3

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on buꞌdati kootte et sar kasoofoofte baabaate, et samaate.

Yoohana 1:27

Usu a kiiyye dubeey ka yamiite, anna falfihi kobtiissa an jalkhicho ma muꞌdan.”

Luuka 5:8

Chirri Siimonhi Beetero layadeeh wihi yitah arge ka, inkaanyit ka Yeesso ortiis ka jilbo il kaguꞌdde wihi us iyidah, “Kamur an a eti uskeel leh, nyaam ikatab.”

Mattaayo 3:11

Yoohana toro wihi us yidah, “Ani atinhi tuummane uskeeliin kasoonokhatteen, bicche atin kabaattissiya. Iꞌdaasenyi etoo ꞌdubeey ka yamiit weyti ikaweenyahe, ortiis ka walah an ahe mele, kobtiis laka sinnaan ma muꞌdan. Us Rubeyti Munyee ka ichoow ꞌdab ka a atin baattissiya.

Luuka 15:21

“Inam la wihi us yidah, ‘Aabba an Waakh ortiis ka ichoow ortaah ka uskeel a yeele. Ma imalin chirri kola weelaahha liiyadeeh!’

Luuka 15:19

Kola ma imalin chirri weelaahha liiyadeeh, iꞌdi etoo at kireysatte ikayeelo.” ’

Mattaayo 3:14

Iꞌdaasenyi Yoohana usuhi Yeessó jeycho ꞌdoona wihi us iyidah, “Ati kootte incheenka ani ibaattissita, a iꞌdoh ani ikatamiit?”

Mattaayo 8:7

Yeesso la wihi us iyidah, “A amiite samaacha?”

Mattaayo 8:9

Iꞌdi tahe ani rubeyteey laka a etoo iskarti addane ikawewween antohicho raaho, toro la iskarti addane an andi laka a jirta. Chirri an koo, ‘Kaale,’ iidah a yamiit. Chirri an koo, ‘Nyaam iro,’ iidah la a irta. Chirri an ilbooyeey, ‘Waha yeel,’ iidah la a yeela.”