Mattaayo 8:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Chirra Yeesso ilkerengeetti Kafarnaaꞌhum gele ka, etoo ili Rooma koobbintoo iskareet itoollo, iyimiyye hawwaaste,

Mattaayo 8:5 Referans Kwoze

Mattaayo 27:54

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Hilassi Ergaano 27:43

Iꞌdaasenyi eti koobbinti iskareet itoollo usuhi jiro Baawulo ribo ꞌdoona, mali iskare khabte hosse. Amur bahche ꞌdee eti bicche taagnaan garti koloo bicche goya a kidiho, harrati kafafsan a imaaho.

Hilassi Ergaano 27:31

Baawulo la chirraakka wihi us eti koobbinti iskareet itoollo ichoow iskar ba iyidah, “Sammata ꞌdooꞌda kooban woyo ifiddiyin, etiin bahsati mele.”

Hilassi Ergaano 23:17

Baawulo la etoo koobbintoo iskareet itoollo wahe, “Eta nugul wohoo us eti iskar tuumman itoollo icheekti khaba, khaate igeey,” iyidah.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Hilassi Ergaano 27:13

Maanti hafaroo samacchaare gurro kayimiy ka, ꞌdooꞌd kol wihi icho ꞌdooneen yateehiine koogyahe. ꞌDeerka birti kooban jeyisso soolaabeene kurti bicche dahcho kajirto Kireete afiche tabeen.

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 22:25

Chirri icho hidhideene, icho laajja ka doon leheet ka, Baawulo wihi us eti koobbintoo iskareet itoollo intaas toollo iyidah, “Eti ili Rooma liiekkaacho geeddi kootiin ka usu uskeel yeele liikagoon laajja ka ladoocho ichoow amurre a israahaan?”

Marko 15:39

Chirri eti koobbintoo iskareet itoollo Yeesso ortiis toollo riiritiis daage saggi us imassate arge ka mehe yidah ya, “Rumanka eta Weeli Waakhe eheet.”

Marko 2:1

Inkoo ibeennetoo kutte, Yeesso ilkerengeetohi Kafarnaaꞌhum isoonokhte. ꞌDooꞌd saggi us goob iyimiy daage.

Mattaayo 9:1

Yeesso koobanhoo kore, beyti Gaalilaaya maahe nokhte ilkerengeetti us fiddiyo irte.

Mattaayo 11:23

Atinhi ilkerengeetti Kafarnaaꞌhum taalliin la kol serey atin liiokkhicho koogtahiin? Mele, meessi ꞌdooꞌdi tuume kijiro iche ikhubattaan. Chirri wihi ittaawenye weeli enenyet yeelin iubaaꞌdane an goytiin ka yeele ilkerengeetohi Soodom lakayeele, ilkerengeettaas kootte uliba laka a jirta on.

Hilassi Ergaano 9:38

Yooba la ilkerengeetti Ludda ma kadeere, ꞌdeerka chirri abatti saggi Beetero ilkerengeetti Ludda ikajiro daagte ka, et lamma ergateene, hawwaasteene, “Bal dowwa nah sooeleel!” iyidaaheen.