Mattaayo 7:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iskaayyeessooy! Koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Mattaayo 7:5 Referans Kwoze

Luuka 6:42

At saggoh walaalaah, ‘Walaalaaw, alley uruftaas il kaajirto a kaabahcho,’ ikatadeeh ati rubeytaah la gurtunki issaah goya kijiro ma agarto? Iskaayyeessooy koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Luuka 13:15

Kamur wihi us ilaabe, “Iskaayyeessooy! Etiimba Seeri Lanaso ka heeriis ommos eheliis inti lakahide ka ma furo ma yegcho?

Luuka 4:23

Yeesso la wihi us ꞌdooꞌd ilaabe, “Rumanka mammahta a isoocheektaan, ‘Ilkitarri issamaay! Wihi weeli enenyet yeelin iubaaꞌdane nah daagne at ilkerengeetti Kafarnaaꞌhum ka yeesse, ilkerengeettiin ka yeel.’ ”

Mattaayo 22:18

Iꞌdaasenyi Yeesso malichoki suuje garte, wihi us iyidah, “Iskaayyeessooy! A iꞌdoh ani angey igelin iꞌdoontaan?

Luuka 12:56

Iskaayyeessooy! Atin harra a yeytaane, serey yeytaane walah kaabattaan. A iꞌdoh wihi an yeelo iagartaane, toro wohoo rucchul laka ikaabanna?”

Hilassi Ergaano 19:15

Maantooka ginna wihi iche icho ilaabte, “An Yeesso a garda, Baawulo laka wihiis a garda, iꞌdaasenyi atin a ayyo?”

Mattaayo 7:3

“A iꞌdoh urufti il walaalaah kijirto iagarta, gurtunki issaah goya kijiro la iargin?

Mattaayo 7:4

At saggoh walaalaah, ‘Alley uruftaas il kaajirto a kaabahcho,’ ikatadeeh, alla kol tuumman gurtume issaah goya kaajiraa?

Mattaayo 7:6

“Wihi munyee ꞌdooꞌdi Waakh ꞌdiiꞌddan asiinna. ꞌDooꞌda a iꞌdi kararreti yibaate kisoonokhatti, kitaham. Wihi weyti haaggan la, ꞌdooꞌdi haaggicho ꞌdiiꞌddan asiinna. ꞌDooꞌda iꞌdi golchuu wahaas haaggan a yabta.