Mattaayo 7:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² A mehe saggaas atin enenyet ihukkuntaan saggaase atin laka Waakh atin ihukkuma. Geeddi atin ꞌdooꞌdi addan iyeessaan, geeddaase atin liiyeela.

Mattaayo 7:2 Referans Kwoze

Yaakoobo 2:13

Iꞌdi tahe eti ꞌdooꞌdi addan uur ikanugleysan, Waakh maanti us ꞌdooꞌd hukkumo laka usu uur ma inugleesti. Iꞌdaasenyi, eti ꞌdooꞌdi addan uur inugleesti maanti lahukkumo, walah us karooro mele.

Marko 4:24

Toro wihi us iyidah, “Waha atin daagtaan la, weyti dagansada. Geeddi atin ꞌdooꞌdi addan iyeessaan geeddaase atin liiyeela, toro la ꞌdirihiis atin liiyeela.

Luuka 6:38

Enenyet walah siicha, atin la walah a atin lasiichaa. Wihi buurenye, meel liijahe, laruhe ichoowka khubti iche sabho lakaachiba. A mehe geeddi atin ꞌdooꞌdi addan iyeessaan, geeddaase atin liiyeela.”

Bakkaahit 18:6

Iꞌdi iche atin yeesse, atin laka iche iyeela. Suujoonki iche atin iyeesse, kol lammatiis iche iyeela. Farsoti uskule iche kokkoobiche atin ikawarasse, kol lammatiche ikawarsa.

2 Koriinto 9:6

Ayti an atin ikhabo talla. Eti ilmohoo rucchul taaꞌhicho, ullaka gurnaankoo rucchule ꞌhela. Eti ilmohi buure taaꞌhicho la ullaka gurnaanki buurenye ꞌhela.

Mattaayo 6:14

A mehe chaꞌatin ꞌdooꞌdi uskeel atin iyeele uskeel ikakuttaan, Aabbahiinki serey jiro laka uskeeliin a atin ikakuta.