Mattaayo 6:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso toro wihi us ꞌdooꞌd iyidah, “Chirri atin ꞌdooꞌd haag iyeessaan, wahaas saggoo ꞌdee enenyet atin ikoolicho iiyeelina. Chirri atin iꞌdaas yeessaan Aabbahiinki serey jiro kalaꞌd us atin guto mele.

Mattaayo 6:1 Referans Kwoze

Mattaayo 23:5

“Wihi iche yeesso tuumman a yeessa, ꞌdee enenyet arga. Saabohi balballaaddane miinan ichoow keymo kahiitaan. Saabassaas la Chiirnaanneti Waakhe goya kakhabaan.

Yoohana 12:43

Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

Galaatiya 6:12

ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin.

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

2 Yoohana 1:8

Taba isyaakhicha uus hili atin Waakh ihaaggisseen ki ilmarhaatteet eheynane, Waakh tuum a atin guto.

Marko 8:15

Yeesso icho tootooche, “Yeedad Farissaayo ichoow yeedad ꞌHeroode iꞌdi booddati makaate fuurissee yuubsada!” iyidah.

Mattaayo 6:16

“Kolbaaw at af hidatti, iꞌdi ꞌdooꞌdi iskaayyeeluu fool ariboon. A mehe icho fool a dakhnaata, ꞌdee saggi icho af ihiiteen tusaan. Rume atin icheeka, icho kalaꞌddicho tuum a ꞌheleen.

Mattaayo 16:6

Yeesso la wihi us iyidah, “Yeedad Farissaayo ichoow yeedad Sadukaayo ki iꞌdi booddati makaate fuurissee yuubsada.”

Luuka 12:15

Yeesso la wihi us icho iyidah, “Yuubsada! ꞌDamaanki atin wihi atin ikhabin ꞌdoontaan ka isyaakhicha. Iꞌdi tahe jiroti mujjume hoolahi at khabto mee katamiit.”

Mattaayo 5:48

Maantaka saggi Aabbahaahki serey jiro ꞌdooꞌdiis tuum isikasoobahchuu, at laka tuum issoobihiche, ꞌdee wihi Waakh kaaꞌdoono yeel.”

Mattaayo 5:16

Taba giꞌde atin laka iꞌdaasu, haaggi atin yeessaan weeli enenyet tuumman a argo, ꞌdee enenyet tuumman Aabbahiinki serey jiro a inkaanyito.

Luuka 11:35

Tab giꞌde banayhi at khabto uus icho mugꞌdi itaahan.

Luuka 12:1

Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Mattaayo 5:46

Chirri atin ꞌdooꞌdi atin ꞌdoono kalday on ꞌdoontaan, kalaꞌd atin sugtaan mele. A mehe ꞌdooꞌdi kooddi goocho laka iꞌdaas on yeela.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 6:9

“Chaꞌatin weysattaan, sagga iweesda, “‘Aabbaheenyoki serey jiro, magahaahki munyee a liinkaanyito.

Ibiraaniya 2:1

Maantaka, jeenteti wihi Waakh yeeluu, runta inno daagne weyti mujjum khabanni giꞌde, uus inno inti inno isoohanni bujine.

Ibiraaniya 11:26

Usu ka la lakhaanyoti us jeente Kiriisto iꞌhelo leedeefta, kamurroonki us ili Miissiri kaꞌhelo ka. Iꞌdi tahe usu kalaꞌddi buurenye berri Waakh guto, iche rerreege.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.