Mattaayo 4:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Yeesso la wihi us ilaabe, “Wihi chiiran, ‘Weeli enenyet golol kalday mee kanoolyahe, iꞌdaasenyi yeedi tuummane afi Waakh kasoobaho kanoolyahe.’ ”

Mattaayo 4:4 Referans Kwoze

Luuka 4:4

Yeesso wihi us ilaabe, “Chiirnaanneti Waakh wihi kachiiran, ‘Weeli enenyet golol kalday mee kanoolyahe!’ ”

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Rooma 15:4

Wihi dakkhane goorat Chiirnaanneti Waakh goya lakachiire walahe inno abchaane, ꞌdee Chiirnaannetaas ka garrahsi ꞌhella, uur inno miigowa, toro la khajjeel khabna.

Efeesso 6:17

Ribnaanki Waakh atin ribe la iꞌdi koofiyati gaꞌdaare matah walah atin kajeyissuu ichoow Yeedi Waakhe iꞌdi birlabi Rubeyti Munyee u khaata.

Luuka 4:8

Yeesso wihi us ilaabe “Wihi chiiran, ‘Kamuri Waakkhaahe waho, toro la usu kalday on ihil!’ ”

Mattaayo 4:10

Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

Mattaayo 4:7

Yeesso wihi us ilaabe, “Chiirnaanneti Waakh toro mehe tadeeh ya, ‘Kamuri Waakkhaahe kajme agelin.’  ”

Luuka 4:12

Yeesso wihi us ilaabe, “Chiirnaanneti Waakh mehe tadeeh ya, ‘Kamuri Waakkhaahe kajme agelin.’ ”

Mattaayo 15:11

Walah enenyet af tabo enenyet biꞌdirroocho mele. Iꞌdaasenyi yeedi enenyet af leeyamiit iche enenyet biꞌdirroocha.”

Marko 7:20

Yeed orey iwoye, “Enenyet wihi goytiis kasoobaho iche biꞌdirroocha.

Yoohana 15:26

“Maanti Rubeyti Munyeenye ꞌDooggargaarto layadeehe Aabbaheey katamiit an atin isooergo, Rubeyta Munyeenye rum lehe Aabbaheey katamiit, a atin itamiite, wori ani imiinsan atin icheekta.