Mattaayo 4:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

Mattaayo 4:3 Referans Kwoze

1 'Dessaloonika 3:5

Maantaka inkoo an nabahtiin waaye ka fiddi agaafde, Timooti sooerge. A sooerge ꞌdee usu atin uliba Kiriisto mujjum kakhuuftaan abda. Mehe karoore ya, kolossoo Seytaanki ꞌDookkaje layadeeh jitoo ka kajmeti uskeel atin kaluguꞌddo a atin kakaje, hili miigenye nah haagginne ki ilmarhaatteet yitah.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Ibiraaniya 12:16

Uus etiinkoo kalday laka sohoꞌddarri kaassohanne, ommos iꞌdi Essaawohi Waakh inkaanyitiwwaaye itaahan. Ulla jeenteti gololi koloo kalday on ka, antohiiski teyyannoon ororiche.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Luuka 4:9

Seytaan toro Yeesso ilkerengeetti weene Yeerusaleem iwoye, minki Waakhe buure guutiis korche, wihi us iyidah, “Chirri at Weeli Waakh tahe, inta kanyaam.

Luuka 4:3

Seytaan la wihi us Yeesso iyidah, “Chirri at Weeli Waakh tahe, daakka leeyeede makaate a yitaahe.”

Mattaayo 14:33

Abattiti kooban goya kijirte la jilbo il kaguꞌdubte, Yeesso wahatte, “Rumanka ati Weeli Waakhe,” tidah.

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Marko 1:1

Waha a uumacchoti Wori Haaggane, Yeesso Kiriistohi Weeli Waakhe miinsan.

Marko 3:11

ꞌDooꞌdi ginnayyo dakhtaan chirbaaw ginnayyohaas Yeesso argeen, inkaanyit ka ortiis ka il a guꞌddaane riiraane, “Ati Weeli Waakhe!” yadeehiin.

Marko 5:7

Deeddi us yabuuꞌd dakkhan riire, “Yeesso, weeli Waakkhi weynaan tuumman tiis tahe, at mehe ikaꞌdoonta? Magahi Waakh ka daato, bolokh iitusin!”

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Luuka 4:41

Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.

Luuka 22:70

Icho dakkhan la wihi icho worsateen, “Ati ꞌdeerka Weeli Waakhe?” Wihi us ilaabe, “Atine iꞌdaas tidaaheen.”

Yoohana 1:34

An waha a arge, saggi rumanka us Weeli Waakh iyahe, a cheeka.”

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Yoohana 9:35

Chirri Yeesso saggi icho et khar ikaseyeen daage ka, irte, etaas yowte, ꞌhele. Yeesso wihi us et iyidah, “At Ínam Aadam a rummeysatta?”

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

Galaatiya 2:20

Saggi Kiriisto iyumuy u, a iꞌdoo ani laka umuyye, kola jiroti an jiro teey menye, iꞌdaasenyi Kiriisto jiroteey dakhta. Kola sarteey ka jiroti an jiro, kakhuufnaanki an Weeli Waakh kakhuufo iche kajira. Ulla a iꞌdoona, toro la ani a iyumuy.

Ibiraaniya 4:14

Maantaka kuhaanihi weyti weene goobi Waakh irte a khabna. Waha la a Yeessohi Weeli Waakhe. Taba giꞌde kakhuufnaanki inno Waakh kakhuufno inno cheekanni ka, mujjum a tolossanni.

Ibiraaniya 7:3

Walah Melkisedeek aabbahiis ichoow abartiis ichoow aacchinyetiis laka miinsane lasoocheeke mele. Maanti us desse ichoow maanti us yumuy laka ma lacheekin. Us iꞌdi Weeli Waakh u, jirtuu dakkhan a kuhaani on.

1 Yoohana 3:8

Eti tuummane uskeel yeelo a ki Seytaan, a mehe Seytaan uus uumaccho ka us uskeel on yeela. Weeli Waakh a yimiyye ꞌdee hili Seytaan baabiicha.