Mattaayo 4:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

Mattaayo 4:10 Referans Kwoze

Luuka 4:8

Yeesso wihi us ilaabe “Wihi chiiran, ‘Kamuri Waakkhaahe waho, toro la usu kalday on ihil!’ ”

Yaakoobo 4:7

ꞌDeerka Waakh afiis akutina. Seytaan iskahossa, ulla a atin kafirdaa.

1 Beetero 5:9

Usu iskahossa mujjum Waakh kakhuufa, a garattaanee harra tuumman ka, ꞌdooꞌdiinki Kiriisto rummeeste tuumman sinata atin taham on taham.

Mattaayo 16:23

Yeesso la urgiye wihi us Beetero iyidah, “Seytaankaane fooleey buj! At a daakki itarraantarricho, at wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Marko 1:13

Ibeen tomon affar Yeesso hidaaddaas on kijire, Seytaan la kajmeti uskeel kaluguꞌddo ikeene. Hidaaddaas ka binahi yibaat on leejire, herti Waakh la Yeesso ihisse.

Luuka 10:18

Yeesso wihi us ilaabe, “Aa, a rum! Ani Seytaanki iꞌdi bakkaal u serey kasoodihe a arge.

Luuka 11:18

Chirri Seytaan seley goggowe isinokhte dakhiis saggoh orey ikasohta? Jeenteti an iꞌda iadeeh, a jeenteti atin an miig Beelsebuule ginnayyo kabahcha ielattaan.

Luuka 13:16

ꞌDeerka makhaabassa rumanka hiiy Aburaahamenye Seytaan guꞌh tomon ichoow siyyeet tuumman hide, Seeri Lanaso wihi hide ma lakafuro?”

Luuka 22:3

Seytaan la Yuudahi Iskaariyoot layadeehe abatti Yeessoti tomon ichoow lammee kichekoowe gele.

Luuka 22:31

Yeesso toro wihi us yidah, “Siimon, Siimon, daganso! Seytaan saggi enenyet ꞌdargaayye ichoow chaafo seley ibahchuu, antohi us atin kakajo a daahe.

Yoohana 13:27

Uus Yuuda makaate khaate, Seytaan goytiis gele. Yeesso la wihi us Yuuda iyidah, “Nyaam, wihi at sooyeesso dowwa yeel!”

Hilassi Ergaano 5:3

Beetero la mehe iyidah ya, “Anaaniya, saggoh Seytaan uuraah ibuuhiche, ichoowka Rubeyti Munyee been ikagoosse, chilimmeti gosaah bahe gaasoo ilaabatte?

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

1 Koriinto 5:5

eta suuje dahanti Seytaan gessa. Iꞌda ka etaas wihi uuriis goya kijiro uskeel imoono a labaabiicha, rubeytiis la maanti Yeessohi Kamure soonokhti a lariba.

1 Koriinto 7:5

Maantaka sammata atin koloo isikadaagin on menye, lammatiin isleeurꞌdin iistiranna. Chaꞌatin istirattaan la, geeddoo on istirda ꞌdee weysi kalday gela. Yomboka ꞌdeerka isisoonokhda, uus Seytaan jeenteti atin isjeyin iubaaꞌdan u kajmeti uskeel atin kaluguꞌddo atin ikeenine.

2 Koriinto 2:11

Anna iꞌdane yeela uus ꞌdee Seytaan inno kahataatinee. Iꞌdi tahe inno luhti Seytaan tuumman weyti garanna.

2 Koriinto 11:14

Waha la girmo mee, a mehe Seytaan rubeytiis soonyoy ka herti Waakhe ababto iskayeela.

2 Koriinto 12:7

Jeenteti wahanyeyyohaas hahhaaggane Waakh itusuu la, sarteey goya kudakkoo lagesse us ꞌdee an weyti serey isgeenne. Kudakka la a ergattiti Seytaane ijahto.