Mattaayo 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Enenyet ilkerengeetti weene Yeerusaleem ichoow boroofenhi Yaꞌhuudiya tuumman ichoow ilkerengeetohi hawti Yoordane ꞌdusso idow tuumman kasoobahe, Yoohana iyimiyye, wihi us essi dagansate.

Mattaayo 3:5 Referans Kwoze

Marko 1:5

Enenyet boroofenhi Yaꞌhuudiya tuumman ichoow ilkerengeetti weene Yeerusaleem tuumman ka soobahe, Yoohana iyimiy. Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.

Yoohana 5:35

Yoohana a iꞌdi taahi bolkho, banay ꞌdooꞌd tuso. Atin la geeddoor yeedi us atin idowo atin kahamaadicho a ꞌdoonteen. Yeeda us atin idowo la, a iꞌdi banay.

Yoohana 3:23

Yoohana laka iloo Aynoone layadeehe ilkerengeetti Saalim haggee, iche ꞌdooꞌd kabaattissiya. Iꞌdi tahe bicchehi buurenye intaas kajira. ꞌDooꞌd la geeddi nool usu iirta, ulla baattissiya.

Luuka 16:16

“Chiirnaanneti Amurre ichoow ti ꞌdooꞌdi Waákh íyeyyeedo tuumman ꞌdooꞌd a liicheeke ichoowka Yoohanahi Enenyet Baattissiyo yimiy. Uus maantaas, Wori Haaggane dakhi Waakh miinsan enenyet a liicheeka. Ebba la usuhi miigtiis ka dakhaas gelo marma.

Luuka 3:7

ꞌDooꞌdi ittaawenye baattissiyoti labaattissiyo ꞌdoono la Yoohana iyimiyye, Yoohana la wihi us iyidah, “Dessi Toof! Ayyo atin tootooche ꞌdee holi Waakh dowwanoha ka keeno kafiriddaan?

Mattaayo 4:25

Ururreti buurenye boroofenhi Gaalilaaya ichoow Dekaabolis ichoow ilkerengeetti weene Yeerusaleem ichoow boroofenhi Yaꞌhuudiya ichoow hawti ꞌdusso Yoordan berihichee kayimiy Yeesso raahe.

Mattaayo 2:1

Yeesso ilkerengeetti Beꞌdeleheeme boroofenhi Yaꞌhuudiya kijirto iche lakadele. Maantaas la, ꞌHeroode karnati ilaase. Inkoo Yeesso desse, makhaaballetoo bakkaalle walah kaabatti iloo beri katimiyye, ilkerengeetti weene Yeerusaleem timiy.

Luuka 3:3

Yoohana la hawti ꞌdusso Yoordan tuumman kaassohte. Ayti Waakhe us cheeke la a ki ꞌdooꞌd uskeelicho kasoonokhti, ulla baattissiyo, ꞌdee Waakh uskeelicho ikakuto.