Mattaayo 3:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo guꞌhassoo kuteen ka, Yoohanahi Enenyet Baattissiyo yimiyye, hidaaddi boroofenhi Yaꞌhuudiya ka Yeedi Waakh cheeke.

Mattaayo 3:1 Referans Kwoze

Luuka 1:76

Inankaaw, at la eti Waákkhi Weyti Ween íyeyyeedo lakiyadeeh. At la Kamur ortiissa sohatta jit iharta,

Mattaayo 11:11

Rume atin icheeka, weeli enenyet goyaka, eti Yoohanahi Enenyet Baattissiyo kaween ma jiro. Iꞌdaasenyi eti dakhi goobi Waakh ka ꞌdaran laka, us Yoohana a kaweenyahe.

Marko 1:15

Wihi us yidah, “Il kola a yitah! Dakhi Waakh kola a soodowwaate! Uskeeliin kasoonokhda, Wora Haaggane ani atin idowo rummeesda!”

Mattaayo 16:14

Wihi icho ilaabeen, “Gaasoo ati a Yoohanahi Enenyet Baattissiyo iche essa, gaasoo a Eliiya essa, gaasoo laka a Yeeremiya ommos ꞌdooꞌdi goorat Waákh íyeyyeedo a kichekoo iche essa.”

Hilassi Ergaano 1:22

Eti uus maanti Yoohana enenyet baattissiyo sookhabte ichoowka maanti Yeesso nah lakakhaate serey lageeche nah leejire a eheetti. A mehe a nah isookhaya ꞌdee garti saggi Yeesso omoot liikasookahche nah leecheeka.”

Luuka 7:24

Inkoo reeri kootte Yoohana sooergate nokhte ka, Yeesso Yoohana woriis urur kaleeyyeede, wihi us yidah, “Bal wihi atin hidaad ka iratteene sooagarteen kamalda. Etoo ꞌdabakhenye iꞌdi hoosi hafar sesseehicho mee iratteene agarteen.

Mattaayo 11:7

Chirra abatti Yoohana nokhatti ka, Yeesso Yoohana woriis urur kaleeyyeede wihi us yidah, “Bal wihi atin hidaad ka iratteene sooagarteen kamalda. Etoo ꞌdabakhenye iꞌdi hoosi hafar sesseehicho mee iratteene agarteen.

Mattaayo 3:8

Taba gurnaanki saggi rumanka atin uskeel ikasoonokhatteen tuso dela.

Mattaayo 21:32

Iꞌdi tahe Yoohanahi Enenyet Baattissiyo a atin iyimiyye ꞌdee jiti fissan atin tusa, atin la usu ma rummeysanne, iꞌdaasenyi ꞌdooꞌdi kooddi goocho ichoow malaayeyyo, iche usú rummeesté. Inkoo atin wahaas tuumman agarteen laka, yomboka uskeeliin ma ꞌdiinne, usu ma rummeysan.

Marko 1:2

Wihi Isaayahi Waákh íyeyyeedo chiire kallaayo, “Yeya, ergattiteey ortaahha erga iche rubeyohi enenyete tannabissa.