Mattaayo 2:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Iche la wihi iche worsatte, “Weeli desse karnati Yaꞌhuud yateeh mee? Iꞌdi tahe bakkaali delmaattiis tuso usuhi beri kasookore a agarre, nah la usu nimiyye wahannaa.”

Mattaayo 2:2 Referans Kwoze

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Yoohana 18:37

Bilaato wihi us iyidah, “At ꞌdeerka a karnat!” Yeesso wihi us ilaabe, “Aa, at a eysiisse, chaꞌat an a karnat tidah! Rumanka ani jeentetaase liidele, toro jeentetaase harrata iimiyye, ꞌdee rum cheeka. Eti tuummane rum ꞌdoono, a idagansata.”

Ibiraaniya 1:6

Toro la Waakh maanti us teyyankiis harrata isooerge wihi us yidah, “Herti Waakh tuumman usu a wahatti.”

Luuka 23:38

Matakkiis sartiis la wihi lakachiire a mehe ya, Waha a Karnati Yaꞌhuud.

Luuka 23:3

Bilaato la wihi us Yeesso worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Yoohana 5:23

ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.

Yoohana 1:49

Naꞌdaanayel wihi us yidah, “Eti weenoow! Ati Weeli Waakhe. Ati a karnati Issiraayel.”

Luuka 19:38

“Waakh karnati magahi Kamur kayamiit a imaale! Goobi Waakh nebey a lakakaala, Waakkheenki inti weyti saraat kijiro a lakoolicho.”

Luuka 2:11

Ibeenka goya, ilkerengeet Dawuud ka ꞌDoorribe a atin liidele, ulla a Ki Lasubhe Kamure!

Yoohana 9:38

Et ꞌdeerka wihi us yidah, “Kamur, a kirummeesda.” Et Yeesso wahte.

Yoohana 19:19

Bilaato la amuri baawatoo lachiiro, massalaaba Yeesso sarche lakalooꞌdicho bahche. Wihi lakachiire la a mehe ya, Yeessohi Ilkerengeetti Naasaret, Karnati Yaꞌhuud.

Yoohana 12:13

Seytohi geeyi baar sookhaateene, baheene, Yeesso or kadoween. Chirra icho or kadowaan la a riiraane, “Waakh a lakoolicho!” “Waakh ki magahi Kamur kayamiit a imaale.” “Waakh Karnati Issiraayel a imaale!” iche essaan.

Mattaayo 27:11

Yeesso geeddaas ba Bilaatohi gaafanee ortiis tolossate, gaafana la wihi us worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Yoohana 20:28

Toomas chirraakka, “Ati a Kamuraaya, toro la a Waakkhaaya,” iyidah.

Mattaayo 21:5

“ꞌDooꞌdi ilkerengeetti Saayon yaal mehe itadeeh ya, ‘Yeya, karnatiin a yamiite, ulla a etoo samacchaare, inkuraarru sookora, weeli ehele sookora.’ ”

Mattaayo 2:3

Karnati ꞌHerood layadeeh uus yeedaas daage, weyti mal gele, ꞌdooꞌdi ilkerengeetti weene Yeerusaleem kijiro tuumman laka mal gele.