Mattaayo 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Inkoo Waakh issillo ka tootooche, ꞌHerood iinokhanna iyidah ka, jitoo addan tabeene, ilicho inokhteen.

Mattaayo 2:12 Referans Kwoze

Mattaayo 2:22

Iꞌdaasenyi Yuussuf chirri us saggi inam ꞌHeroodhi Arkeelawus layadeeh boroofenhi Yaꞌhuudiya ka karnat iyitahye meel aabbahiis igele daage ka, intaas iran karoore. Yuussuf issillo ka latootooche, ꞌdeerka boroofenhi Gaalilaaya irte,

Mattaayo 2:19

Inkoo ꞌHerood yumuy ka, hertoo Kamur ili Miissiri ka Yuussuf issillo goyaka isoobahte,

Mattaayo 2:13

Inkoo makhaaballeti bakkaalle yeyto nokhatte ka, hertoo Kamur Yuussuf issillo ka isoobahte. Wihi iche itidah, “Kahe weel ichoow abartiis ba khaate ili Miissiri ifirid. Intaas fiddiye ichoowka ani a kisoocheeko. A mehe ꞌHerood dowwanoha weel ogoose yowtaa.”

Mattaayo 27:19

Bilaato komborti enenyet lakahukkumo kafiddiyaayi, makhaabassiis farniin isooeregte, “Etaas uskeeloo iyeelin wohoo rucchul laka ayeeline, diiggiis agelin. Iꞌdi tahe ibeenkate issilloteey ka jeentetiis u weyti sina a ikawaartee,” itidah.

Mattaayo 1:20

Iꞌdaasenyi inkoo us ayta kamasse, hertoo Kamur issillo goyaka isoobahte wihi iche itidah, “Yuussuf, ínam Dawuud, Maariya disan akaroorin. Iꞌdi tahe iche miigti Rubeyti Munyeenye kuurowte.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

Hilassi Ergaano 5:29

Beetero ichoow ergaanoti addan la mehe soolaabeen ya, “Wihi massan, nah Waakhe yeediis raahna, enenyet mee yeediis raahno.

Hilassi Ergaano 4:19

Iꞌdaasenyi Beetero ichoow Yoohana la wihi icho ilaabeen, “Bal wihi Waakh nah kaꞌdoono isigoocha, nahi aytiin raahno bal nahi ayti Waakh raahno.

1 Koriinto 3:19

Iꞌdi tahe kharati ꞌdooꞌdi harrata, Waakh ka a ꞌdalammoon. Iꞌdi liichiiruu, “Waakh ꞌdooꞌdi kharayyee kharatichotaas on kakhabta.”

Luuka 2:26

Rubeyti Munyee la goorat wihi iche usu ibabbakkaahisse a mehe ya, geeddi us Ki Lasubhe koo Kamure iargin ma yamuut.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Ibiraaniya 8:5

Meessi lagane icho hili Waakh kahaaggichaan a oosim ichoow iyookkoti wihi goobi Waakh kajiro. Jeentetane maanti Muusa eemati Waakh lakawahti disin leheet, Waakh itootooche, wihi us iyidah, “Tabe, wihi at haaggisso tuumman ichoow iyookkoti goorat hali Sinnaay sartiis ka an kituse a israaheen.”