Mattaayo 16:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Chirdeer la, chirri sereye guꞌduuꞌdantahe toro il sooankubsame, ‘Hiri hafari buure khabo a sooꞌdeya,’ tadeehiin! Atin serey a yeytaane, wihi ꞌdeeka sooyateeh kaabattaan. Iꞌdaasenyi saggi weyꞌda il ijiro a yeytaane toro la walah atin kaabattaan mele.

Mattaayo 16:3 Referans Kwoze

Luuka 12:56

Iskaayyeessooy! Atin harra a yeytaane, serey yeytaane walah kaabattaan. A iꞌdoh wihi an yeelo iagartaane, toro wohoo rucchul laka ikaabanna?”

Luuka 13:15

Kamur wihi us ilaabe, “Iskaayyeessooy! Etiimba Seeri Lanaso ka heeriis ommos eheliis inti lakahide ka ma furo ma yegcho?

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Luuka 11:44

“Sinati atin sugto eenna a buure. A mehe atin a iꞌdi hawwaalohi dagah ikhabine, enenyet igaranne sarchooda on yabti.”

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 22:18

Iꞌdaasenyi Yeesso malichoki suuje garte, wihi us iyidah, “Iskaayyeessooy! A iꞌdoh ani angey igelin iꞌdoontaan?

Mattaayo 15:7

Iskaayyeessooy! Isaaya maanti us wori Waakhe atin miinsan kaayyeede a eysiiche.

Mattaayo 7:5

Iskaayyeessooy! Koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Ibiraaniya 5:14

Iꞌdaasenyi gololi miige a ki ꞌdooꞌdi iiꞌdowe, kol tuumman Yeedi Waakh raaho, wihi haaggan ichoow wihi suuje seley saahnaan isabche.