Mattaayo 11:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Wihi icho Yeesso sooworsateen, “At a Ki Lasubhe lasugo bal etoo addane sugna?”

Mattaayo 11:3 Referans Kwoze

Yoohana 11:27

Iche la wihi iche itidah, “Aa, Kamur, saggi at Ki Lasubhe itahe, at Weeli Waakhe goorat harrata yamiit itahe, a rummeesda.”

Ibiraaniya 10:37

A mehe dowwanoha ka, “Eti yamiit a yamiite ma malmalo la.

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”

Yoohana 6:14

Inkoo ꞌdooꞌd wahanyeyyoha miigti Waakh tuso Yeesso yeele arge ka, ꞌdooꞌd wihi us yidah, “Rumanka, eti goorat Muusa cheeke, ‘Etoo Waákh íyeyyeedo ꞌdee berri harrata a yamiit,’ yidah a kan.”

Yoohana 16:14

Rubeyti Munyee saggane ani iweynaassa, wihi an adeehe sookhaatta, atin isoocheekta.

Yoohana 12:13

Seytohi geeyi baar sookhaateene, baheene, Yeesso or kadoween. Chirra icho or kadowaan la a riiraane, “Waakh a lakoolicho!” “Waakh ki magahi Kamur kayamiit a imaale.” “Waakh Karnati Issiraayel a imaale!” iche essaan.

Yoohana 4:21

Yeesso wihi us makhaabál iyidah, “Makhaabassa, wihi an kidowo rummeyso. Ibeen a yamiit ki enenyet hala ommos ilkerengeetti weene Yeerusaleem Aabbaheey ikawahanne, meelbaaw us kijiro on ka wahti.

Luuka 19:38

“Waakh karnati magahi Kamur kayamiit a imaale! Goobi Waakh nebey a lakakaala, Waakkheenki inti weyti saraat kijiro a lakoolicho.”

Marko 11:9

ꞌDooꞌdi Yeesso ortiis raaho ichoow ki ꞌdubiis raaho riire wihi us yidah, “Waakh koolinno!” “Waakh ki magahi Kamur kayamiit a imaale.”

Mattaayo 21:9

Ururreti ortiis raahto ichoow ti ꞌdubiis raahto ba riirte wihi iche tidah, “Inam Dawuud a lakoolicho!” “Waakh ki magahi Kamur kayamiit a imaale!” “Waakkheenki inti weyti saraat kijiro koolinno!”

Mattaayo 21:5

“ꞌDooꞌdi ilkerengeetti Saayon yaal mehe itadeeh ya, ‘Yeya, karnatiin a yamiite, ulla a etoo samacchaare, inkuraarru sookora, weeli ehele sookora.’ ”

Mattaayo 11:4

Yeesso la wihi us ilaabe, “Nyaama nokhda Yoohana waha atin daagtaan ichoow waha atin agartaan icheeka.

Mattaayo 11:10

Eti woriis lachiire a kan. “ ‘Yeya, ergattiteey ortaahha erga, iche rubeyohi enenyete tannabissa.’ ”