Mattaayo 11:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Inkoo Yeesso abattiisti tomon ichoow lammee wihi iche yeesso icheeke ka, intaas katabe, ilkerengeetohi addan irte enenyet wori Waakh abche, toro la Yeedi Waakh icheeke.

Mattaayo 11:1 Referans Kwoze

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Luuka 8:1

Waha ꞌdubicho ka, Yeesso goobab ichoow ilkerengeeto dah kagooche, Wori Haaggane dakhi Waakh miinsan icheeke. Abattitiisti tomon ichoow lammee laka usu a leejirte.

Mattaayo 9:35

Yeesso ilkerengeeto ichoow goobab tuumman goya tabe minassichoki weysiite Yaꞌhuud ka ꞌdooꞌd wori Waakh abche. Wori Haaggane dakhi Waakh miinsan icheeke, sugeerre ichoow khannaatte tuumman ꞌdooꞌd kabahche.

2 'Dessaloonika 3:10

A mehe maanti goorat nah atin leejirre laka, amurane atin siinne, “Eti hil ihaaggin agoollinna.”

2 'Dessaloonika 3:6

ꞌDooꞌd Kiriistokaaw, anto Yeesso Kiriistohi Kamure ka amurane atin ibihinna, taba eti tuummane Kiriisto rummeeste ollomenye, jiroti wihi nah atin abinne miinsan ijirin kaseeha.

1 'Dessaloonika 4:2

Iꞌdi tahe anto Yeessohi Kamureene ka, wihi nah atin abinne a garattaan.

Hilassi Ergaano 10:42

Waakh la amure nah ibahche, ꞌdee Wori Haaggan ꞌdooꞌd icheekna, toro saggi us eti Waakh soobahsate ꞌdee ꞌdooꞌdi jiro ichoow ki tuume ba ihukkumo iyahe cheekna.

Hilassi Ergaano 1:2

ichoowka ibeenki goobi Waakh lageeche, iche kisoochiire. Geeddi serey liigeen, Rubeyti Munyee ka ꞌdooꞌdi us soobahsate us ergaanotiis kayeesse, amurre ibahche.

Yoohana 15:14

Atin a aalassaaya chirri atin amureey raahtaan.

Yoohana 15:10

Chaꞌatin amurreteey raahtaan ꞌdoonintaaya kafiddiitaan, saggi an amurre Aabbaheey iraahe an ꞌdoonintiis ikafiddiyuu.

Mattaayo 28:20

Toro la amuri tuummane an atin ibahche abcha a raaheen. Rumanka la an a atin leejira ichoowka ibeenki ꞌdaꞌddaboot yateeh.”

Mattaayo 7:28

Inkoo Yeesso waha tuumman cheeke ka, urur saggi us ꞌdooꞌd walah iabcho kagirmeeste.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

1 Timooti 6:14

Raahnaanki at wihi Wori Haaggan kaaꞌdoono at raahto ka, eloo rucchul laka akhabine, ichoowka Yeesso Kiriistohi Kamureene a soonokhti.

Marko 6:12

Abatti bahte, Yeedi Waakh cheekte, enenyet tuumman la, “Uskeeliin kasoonokhda,” itidah.

Luuka 23:5

Iꞌdaasenyi weyti tirriinsateene wihi icho yidaaheen, “Ili Yaꞌhuudiya tuumman ka ꞌdooꞌde walah abcha, ichoowka enenyet seley fida. Wihi us ꞌdooꞌd abcho la boroofenhi Gaalilaaya kasookhabte ichoowka toolla inta yimiy.”