Mattaayo 10:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Fiilif, Barꞌdolomaayo, Toomas, Mattaayohi kooddi goocho, inam Alfaayo ki Yaakoobo layadeeh, ꞌDaꞌdaayo,

Mattaayo 10:3 Referans Kwoze

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Marko 3:18

Reeri addan la a Andereeya, Fiilif, Barꞌdolomaayo, Mattaayo, Toomas, inam Alfaayo ki Yaakoobo layadeeh, ꞌDaꞌdaayo, Siimonhi magahiis Yaaftiisꞌdoone layadeeh,

Marko 2:14

Toro orey isohte, etoo Laawi layadeehe koo Alfaayee arge. Laawi meessi kooddi lakagoocho goya fiddiya. Yeesso, “Isooraahe, abattiteey ateeh,” Laawi iyidahye, Laawi la kahe usu raahe.

Mattaayo 9:9

Yeesso intaas ka orey isohtaayi, etoo Mattaayo layadeeh usuhi meessi kooddi lakagoocho goya fiddiyo arge. Yeesso la, “Isooraahe abattiteey ateeh,” iyidahye, Mattaayo la kahe usu raahe.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Yoohana 11:16

Toomashi Manꞌdaan layadeeh, wihi us abattiti addan iyidah, “Inno tuumman eti ween raahno, ꞌdee inno tuumman a leetuunno.”

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Luuka 5:27

Waha ꞌdubicho ka Yeesso bahe, sohtaayi etoo kooddi goocho magahiis Laawi layadeeh, usuhi meessi kooddi lakagoocho goya fiddiyo wihi us iyidah, “Isooraahe, abattiteey ateeh!”

Hilassi Ergaano 15:13

Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Yoohana 14:22

Yuuda ꞌdeerka, kan Yuudahi inam Iskaariyoote menye, wihi us yidah, “Kamur, at a iꞌdoh dowwanoha ka nah isitussa, ꞌdooꞌdi harrata la isitusiwwaayta?”

Yoohana 14:9

Yeesso wihi us ilaabe, “Fiilif, geeddi deere atin tuumman atin leejire, toro ichoow uliba at ma iaban ba? Eti tuummane ani iarge, Aabbaheey a arge. A iꞌdohe toro, ‘Aabbahaah nah tus,’ ielatta?

Mattaayo 27:56

Goycho ka a Maariyati ilkerengeetti Magdaala, ichoow Maariyati Yaakoobo ichoow Yuussuf desse ichoow abar yeele Sebedaayo.

Mattaayo 18:17

Chirri us ꞌdooꞌdaas sookute, urur Kiriisto icheek. Chirri us urur Kiriisto laka sookute, iꞌdi eti Waakh igaran ommos iꞌdi eti suujenye kooddi goocho iekkaacha.

Marko 15:40

Deyyehotoo fogaka a ꞌdeyꞌdoossa. Goycho ka a Maariyati ilkerengeetti Magdaala ichoow Maariyati Yaakoobohi nugul ichoow Yoosse desse ichoow Saloome.

Luuka 18:10

“ꞌDooꞌdoo lammee minki Waakhe buurenye weysi kiirte. Koo a Farissaayo, ki addan la a etoo kooddi goocho.

Luuka 18:11

Ki Farissaayee tolossate, awtiissa on Waakh wahte wihi us yidah, ‘Okkhoow weyti kalaꞌd kisoolaaba ani iꞌdi ꞌdooꞌdi addane hatto lehe ommos iꞌdi ꞌdooꞌdi uskeel kajiro ommos eti makhaabassi tiis ieheynan leeurꞌdo ommos laka iꞌdi eta kooddi goocho menye.

Luuka 18:13

“Iꞌdaasenyi eti kooddi goocho foga tolossate. Ulla serey laka ma yeyine, iꞌdaasenyi kach isguꞌdde, ꞌdee saggi us uskeeliis ka suujoon iargo tuse, wihi us yidah, ‘Okkhoow aniha uskeel leh uur isoonugleyso.’

Luuka 19:2

Etoo Sakkaayo layadeeh laka intaas a kijira. Ulla ꞌdooꞌdi kooddi goocho iweenyahe, toro la kamure eheet.

Yoohana 1:48

Naꞌdaanayel la wihi us worsate, “At saggoh ani igaratta?” Yeesso wihi us ilaabe, “Geeddi Fiilif kiwahin, atihi geeyi fiig iliis fiddiito iche kiarge.”

Yoohana 14:5

Toomas la wihi us iyidah, “Kamur, inti at isohatti nah ma garanni, saggoh jiti intaas isohti iabanna?”