Mattaayo 10:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ergaanoti tomon ichoow lammee magahenyeticho talla, ki oraat a Siimonhi Beetero layadeeh ichoow walaaliiski Andereeya layadeeh, Yaakoobohi inam Sebedaayee ichoow walaaliiski Yoohana layadeeh,

Mattaayo 10:2 Referans Kwoze

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Mattaayo 4:21

Toro orey isohte yeeletoo addane lammeenye isleedelatte too Sebedaayee arge. Iche la a Yaakoobo ichoow Yoohana. Lammache aabbahiche khabtaayi kooban goya fiddiita, oroohti bahag lakakhabti haagsatta. Yeesso yeele lammache wahe.

Yoohana 12:22

Fiilif la irte Andereeya icheeke, lammache ba iratte Yeesso icheekte.

Yoohana 6:8

Andereeyahi ullaka abatti Yeesseenye, Siimonhi Beetero layadeeh leedesse, sooyeede wihi us yidah,

Luuka 5:10

Yeele Sebedaayoti iche laka Siimon walhisse, Yaakoobo ichoow Yoohana leh laka weyti girmeysatte. Yeesso la wihi us Siimon iyidah, “Roorro akhabin. Uus toolla kakhabatti, enenyete Waakh ikeenta.”

Mattaayo 4:18

Yeesso Beyti Buurenye Gaalilaaya afiche kasohtaayi, reeroo lammeenye isleedesse arge. Waha a Siimonhi Beetero layadeeh ichoow Andereeya. Iche la oroohti bahag lakakhabti bey goya isaate, a mehe hiliche a ki bahag lakhabti.

Luuka 11:49

Jeentetaas u wihi Waakh kharatiis ka essi kallaayo, ‘ꞌDooꞌdi Waákh íyeyyeedo ichoow ergaano a ierga, icho la gaasoo a yagiisiin, gaasoo laka sina omhichaan.’

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

2 Yoohana 1:1

Khadaaba eti soochiiro a anihi ewweenenye urur Kiriisto woyo. Eti ani isoochiiro a ati, makhaabassi lasoobahsate ichoow nyaakhutaahha. An rumanka weyti atin ꞌdoona. Ani kalday la menye, eti tuummane runti Waakh garti a atin ꞌdoona.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Beetero 1:1

Khadaaba eti atin isoochiiro, a ani Beeterohi ergaano Yeesso Kiriistee. ꞌDooꞌdi an isoochiiro la a ꞌdooꞌdi Waakh soobahsate, harrata ka iꞌdi ꞌdooꞌdi yeelan ijiro, boroofenhi Boontus ichoow ki Galaatiya ichoow ki Kabadookiya ichoow ki Aassiya ichoow ki Biꞌduuniya tuumman kataasan.

Ibiraaniya 3:1

Maantaka ꞌdooꞌd Kiriistoki munyeenye Waakh goobiis iwahe, Yeessohi kakhuufnaanki inno Waakh kakhuufno inno cheekno ka, Waakh ergaano ichoow kuhaanihi weyti ween kayeele kamalda.

Efeesso 4:11

Usu ꞌdooꞌd gaasoo ergaano kayeele, gaasoo laka ꞌdooꞌdi Waákh íyeyyeedo kayeele, gaasoo laka ꞌdooꞌdi Wori Haaggan taaꞌhicho kayeele, gaasoo la ꞌdooꞌdi urur Kiriisto yaakhicho toro la Yeedi Waakh abcho kayeele.

1 Koriinto 15:7

Yomboka Yaakoobo laka isoobahe, toro ergaano tuumman laka isoobahe.

Hilassi Ergaano 12:2

Yaakoobohi walaal Yoohanee birlabe lakayigis.

Hilassi Ergaano 3:1

Maantoo, geeddi sahaꞌd saagaassi maalimeete lakaweesti ka, Beetero ichoow Yoohana minki Waakhe buurenye iꞌdulaan.

Hilassi Ergaano 1:26

ꞌDeerka magah lammataas ka kura guꞌddeen. Eti ꞌhele a Mattiyase, ꞌdeerka ergaanoti tomon ichoow koowe ikhaye.

Yoohana 21:24

Eti abatteenye waha runticho garti, cheeko, toro la chiire, a kan. Saggi wihi us yidah rum iyahiin la a garanna.

Yoohana 21:20

Beetero urgiye, etoo ullaka abatteenye ꞌdubicho sooraaho arge. Eta a ki goorat Yeesso weyti ꞌdoono, maanti goorat Yeesso gololi ꞌdaꞌddaboot abatti leeyuhum, Yeesso garabiis fiddiye, Yeesso kasiihsate, “Kamur, eti ꞌdub kigoocho a ayyo?” worsate.

Yoohana 21:2

Abatti Yeessoti isleejirte a Siimonhi Beetero layadeeh ichoow Toomashi magahiiski addan Manꞌdáan layadeeh ichoow Naꞌdaanayelhi boroofenhi Gaalilaaya ka ilkerengeetti Kaana kayimiy ichoow yeele Sebedaayo ichoow abattitoo addane lammee.

Yoohana 20:2

ꞌDeerka Siimonhi Beetero layadeeh ichoow eti ullaka abatteenye Yeesso weyti ꞌdoono isoonyaante wihi iche itidah, “Kamur goꞌd goya a lakabahche, inti lagesse la ma garanni.”

Yoohana 13:23

Abatti goyaka, etoo kachka Yeesso weyti ꞌdoono, Yeessó garabiissa fiddiya.

Luuka 22:14

Chirri sahaꞌde titah ka, Yeesso ichoow ergaanotiis komborti ballaaddane lakagolossati garabiche ka dikkille kareeyeen.

Luuka 22:8

Yeesso Beetero ichoow Yoohana ergate wihi us iyidah, “Nyaama inti inno gololi daawti Baasakka kanaham inno ihaaggicha.”

Luuka 9:10

Chirri ergaano soonokhatte ka, wihi iche yeesse Yeesso icheekte. Yeesso ꞌdeerka ergaano khaatte ilkerengeettoo Bessaayda layadeeh ka intoo khaawwan irteen.

Marko 13:3

Chirra Yeesso Hali Geeyohi Oolife minki Waakhe buure yeyo koorronte ka Beetero ichoow Yaakoobo ichoow Yoohana ichoow Andereeya la iyimaateene dagsi ka usu wohoo worsateen,

Marko 1:29

Uun icho minki weysiit kabaheen, Yaakoobo ichoow Yoohana khabaayi, irteene ichoowka min is Andereeya ichoow Siimon geleen.

Mattaayo 26:37

Beetero ichoow yeele Sebedaayoti lammee khaatte. Yeesso weyti bolkhe toro mali uskul gele.

Mattaayo 20:20

ꞌDeerka abar yeele Sebedaayo yeeletiche khabtaayi Yeesso itimiyye, ortiis ka jilbo il kaguꞌdubte ichehi wohoo liiyeelo ꞌdoontaa.

Mattaayo 17:1

Inkoo ibeen lihe kutte ka, Yeesso Beetero ichoow Yaakoobo ichoow Yoohanahi walaal Yaakoobee khaatte, woye, haloo deer koreen ichohaas on.

Bakkaahit 22:8

Ani a Yoohana, anna waha tuumman a daage, toro la a arge. Inkoo an waha daage toro arge ka, herti Waakhe waha itusse orche ka jilbo il kaguꞌdde, wahan leheet!

Bakkaahit 1:1

Waha a wori Yeesso Kiriisto miinsane ani liisoobabbakkaahiche. Waakh Yeesso Kiriisto waha a siiche, ꞌdee falfayyohiis wihi dowwanoha ka sooyateeh tusa. Kiriisto la hertiistoo Waakhe ilbooyiiski Yoohana layadeeh isooerge, wora icheeke.

3 Yoohana 1:1

Khadaaba eti soochiiro a anihi ewweenenye urur Kiriisto woyo. Eti an isoochiiro a ati, Gaayohi aaleeyenye an weyti rum ka ꞌdoono.

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Marko 6:30

Maanti ergaano soonokhatte, iche ichoow Yeesso kulmeen ka, wihi iche yeesse ichoow wihi iche enenyet abisse tuumman icheekte.

Yoohana 6:67

Yeesso abattitiisti tomon ichoow lammee wihi us worsate, “Atin laka atinhi adah ikakhabattaane ꞌdoontaan?”

Yoohana 6:70

Yeesso ꞌdeerka wihi us ilaabe, “Ani menya atinha tomon ichoow lammee atin soobahsade? Iꞌdaasenyi goytiin ka, etoo a ki Seytaan!”

Yoohana 6:71

Eti us woriis kaayyeedo la a Yuuda Iskaariyoot. Yuuda la a ínam Siimon Iskaariyoot. Iꞌdi tahe Yuuda, chirri us abatti Yeessoti tomon ichoow lammee goya kajiro laka, usu berri Yeesso ꞌdub goocha.