Marko 9:50 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵⁰ “Magaaꞌde a haaggantahe. Iꞌdaasenyi chiꞌiche gimbatiche waayte saggoh toro liigimbaacha? Magaaꞌddi haaggane gimbatiche khabto ateeha! Nebey iskaleefiddiya.”

Marko 9:50 Referans Kwoze

Kolossaay 4:6

Kol dakkhan harrabi haaggane, enenyet nabah isudin ꞌdoono khaba, ꞌdee ebba wihi atin ilaabtaan garda.

Rooma 12:18

Chiꞌiche tateeh, geeddi atin tabuuꞌdiin tuumman, hol dowa, ꞌdooꞌdi addan nebey kaleefiddiya.

Mattaayo 5:13

“Atin a magaaꞌddi weeli enenyet tuumman. Iꞌdaasenyi magaaꞌde chiꞌiche gimbatiche waayte, saggoh toro liigimbaacha? Kola walah iche iroontahe mele, khubnaanki lakhubo enenyet yabti on menye.

Ibiraaniya 12:14

Hol dowa ꞌdee weeli enenyet tuumman nebey kaleefiddiya, toro la ꞌdooꞌdi munyee ateeha. Iꞌdi tahe eti tuummane munya ieheynan, jirtuu Kamur ma argo.

2 Koriinto 13:11

ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

1 'Dessaloonika 5:13

Jeenteti hili icho atin ihaaggichaan u weyti inkaanyita, toro la ꞌdoona. Taba nebey iskaleefiddiya.

Efeesso 4:29

Yeedi ꞌdooꞌdi addan gaameero uus afiin leeimaatane, yeedassi ꞌdooꞌdi gargaar ꞌdoono gargaaro toro la uur miigoocho on kaayyeeda. Iꞌda ka la ꞌdooꞌdi atin daago buuhi Waakhe ꞌhela.

1 Beetero 3:8

Ayti ꞌdaꞌddaboot, taba atin tuumman maloo kalday khaba, uur isinugleesda, iꞌdi ꞌdooꞌdi uuroo kaldaye u isꞌdoona, isnuglaacha.

Yaakoobo 1:20

Iꞌdi tahe holi weeli enenyet jiroti fissane Waakh ꞌdoono ma keeno.

2 Timooti 2:22

Tabe suujoonki tuummane eti nugul imoono kafirid. Hol dowe, jiroti fissan yowo, Waakh kakhuufe, ꞌdooꞌdi addan ꞌdoone, eti nebey dowo ateehe, ururi ꞌdooꞌdi uuri haaggan ka magahi Kamur waho goya kijir.

Kolossaay 3:12

Waakh a atin soobahsate, ꞌdooꞌdiiski munyeenye us weyti ꞌdoono, atin kayeesse. Maantaka, taba giꞌde waha yeela, ꞌdooꞌdi uur nugul ateeha, ꞌdooꞌdi uur ꞌdabakhe ateeha, isnuglaacha, ꞌdooꞌdi samacchaare ateeha, ꞌdooꞌdi garrahsi khabo la ateeha.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Marko 9:34

Iꞌdaasenyi gammadisse a mehe kootte jit ka eti ꞌdooꞌdi addan tuumman iweene isleeiriireen.

Marko 9:49

Saggi orran golol tuumman magaaꞌd liikachibuu, saggaas on enenyet tuumman ꞌdabi sinayyoot itaba.