Marko 9:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Rume atin icheeka, eti tuummane jeenteti us abatti Kiriisto iyahuu kooboo biccheet kisiiche, etaas koloo kalday laka kalaꞌddiis ma waayo.”

Marko 9:41 Referans Kwoze

Mattaayo 10:42

Chiꞌ etoo kooboo biccheete khobee laka ꞌdooꞌdaar kichokoo siiche jeenteti us abattiteey iyahuu, rume atin icheeka, etaas koloo kalday laka kalaꞌddiis ma waayo.”

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

2 Koriinto 10:7

Atin walah kharicheeda on yeytaan. Chirri etoo saggi us koo Kiriisto iyahe ubo waha toro a kamassi. Saggaas us koo Kiriisto iyahe on nah laka koo Kiriisto inahe.

1 Koriinto 15:23

Iꞌdaasenyi Waakh ebba koliissa on sookahcha. Waakh kolooraat Kiriistohi ꞌdoloohti gurnaanki oraatenye sookahche, maanti Kiriisto soonokhti la, Waakh ꞌdooꞌdiis a sookahcha.

Rooma 14:15

A mehe chirri at gololi at taham ka etaahki Kiriisto rummeeste bolokh ikeento, wihi kiwoyo ꞌdoonin mee gon. Tab giꞌde, gololi at taham uus etaahki Kiriisto rummeeste Kiriisto jeentetiis iyumuy uskulaan!

Rooma 8:9

Iꞌdaasenyi Rubeyti Waakh goytiinna fiddiita gone, ꞌdeerka wihi uurassiin goya kijiro uskeel imoono ma atin antaane, Rubeyti Waakhe atin anatta. Eti tuummane Rubey Kiriisto ikhabin koo Kiriisto mee gon.

Galaatiya 5:24

ꞌDooꞌdi koo Yeesso Kiriistee wihi uurassicho goya kijiro uskeel imoono ichoow uskeeli lamaanjeerti ba massalaaba a kasoorriyyoocheen.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.

1 Koriinto 3:23

Atin la a koo Kiriisto, Kiriisto la a koo Waakh.

Marko 4:10

Yeesso inkoo us keley yitah, ergaanotiisti tomon ichoow lammee ichoow ꞌdooꞌdoo usu sooraahe iyimiyye, wihi mammahohaas yihiin worsateen.