Marko 9:31 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³¹ a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Marko 9:31 Referans Kwoze

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Marko 9:12

Yeesso wihi us ilaabe, “Rumanka, Eliiya koloo yamiite, walah tuumman iꞌdi icho eheneet toro kayeela. Kamalda bal a iꞌdoh Chiirnaanneti Waakh goya Ínam Aadam bolokkhi buurenye latusa, weyti laꞌdiiꞌda liikachiire?

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Luuka 24:26

Wihi massane ꞌdooꞌdaas Waákh íyeyyeedo cheeke, Ki Lasubhe sinayyoha tuummane ꞌhela ꞌdee inti weyti us kaababo irta menya?”

Mattaayo 26:2

“Saggi atin igarattaan u, ibeen lamma on ankhane ꞌdee daawti Baasakka lagela, Ínam Aadam la ladiiba massalaaba lakakaaha.”

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

Yoohana 10:18

Et jiroteey ikabahcho mele, iꞌdaasenyi ani on iꞌdaanu bahcha. Antohi an jiroteey kabahcho a khaba, toro antohi an isikasoolaabo a khaba. Amura Aabbahaaya kaꞌhele.”

Yoohana 3:14

Saggi goorat Muusa hidaad ka toof iokkhichuu, saggaase Ínam Aadam laka liiokhicha,

Yoohana 2:19

Yeesso wihi us icho ilaabe, “Minka Waakhe buure jejjebcha, anna ibeen seyyah goyaka toro a disaa.”

Luuka 9:44

“Taba waha an atin isooadeeh mujjum nabah isuda! Ínam Aadam dowwanoha ka ꞌdube lagoocha, dahanohi enenyet lagessa.”

Mattaayo 27:63

Wihi icho yidaaheen, “Eti weenoow, wihi etaas ekkeysi leh geeddi us noolyahe yidah a kasooꞌhella. Us mehe yidah ya, ‘Chirri maan seyyahe kutte, omoot a kasookaha.’

Marko 10:34

icho la usu kachaartaane, fool hanjuf katufaane, laajja ka doochaane, ꞌdaꞌddaboka yagiisiin. Chirri ibeen seyyahe kutte ka omoot kasookaha.”