Marko 9:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Wihi us ilaabe, “Ginnati iꞌdee, wihi bahcho tuumman a weysi kalday.”

Marko 9:29 Referans Kwoze

Yaakoobo 5:15

Weysihi saggi Waakh eta khannan isamaacho lakakhuufo la eti khannan a samaachaan. Kamur la etaas ilaali us kajiifo a kasookahcha. Chuꞌus uskeel yeele la, Kamur uskeel a ikakuta.

Mattaayo 17:20

Wihi us ilaabe, “A jeenteeti atin Waakh weyti ikakhuufin. Rume atin icheeka, chiꞌ kakhuufnaanki atin Waakh kakhuuftaan buur ka geeddi ilinti geeyi dahar yahe a geeddi atin hala, ‘Inta kaguure intuus iro,’ itadeehiine, ulla irti. Walah atin iubaaꞌdan la mala.”

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

2 Koriinto 12:8

Kol seyyahe Kamur hawwaasde, waha ikabukkhi iidah.

2 Koriinto 11:27

An weyti hol dowe, sinayyo laka iyumheene, ibeenneti ittaawe urꞌdumme laka waaye, raarahde, subgaade, kolassi ittaawe golol laan fiddiye. A roffoode toro gaaddi iyaakhto laka waaye.

Luuka 11:26

Ginnataas ꞌdeerka a iratta, ginna teeba addane iche laka kasuuje sookhaatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta.”

1 Koriinto 9:27

Iꞌdaasenyi an sarteey a jaha, toro la tuum jeycha uus ꞌdee inkoo an ꞌdooꞌdi ittaawe Wori Haaggan icheeke, ani rubeyteey oriisi goyaka liibihinne.

Hilassi Ergaano 14:23

Baawulo ichoow Barnaba urur Kiriisto ewweenkoo woyo isoobahcheene, ꞌdooꞌdi Kiriisto rummeeste iweynaacheen. Af hiiteene ꞌdooꞌdaas Kamuri icho kakhuufaan iwaheene, dahantiis gesseen.

Mattaayo 12:45

Ginnataas ꞌdeerka iratta, ginna teeba addane iche laka kasuuje sookhaatatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta. ꞌDooꞌda iꞌdeenye uskeel leh iꞌda on itateeh.”

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Marko 9:28

Inkoo Yeesso min gele ka, abattitiis dagsi ka mehe worsatte ya, “Nah a iꞌdoh ginna bihit iagaafanne?”

Marko 9:30

Intaas kakaheene, ili Gaalilaaya dah kagoocheen. Yeesso usuhi enenyet inti us kijiro abti ma ꞌdoono,