Marko 9:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Aabbahi inam chirraas on sooriire, wihi us yidah, “An a kirummeesda, iꞌdaasenyi igargaare uurlammaal a baho.”

Marko 9:24 Referans Kwoze

Luuka 17:5

Maantoo ergaano wihi iche Kamur itidah, “Kamur, nah gargaare ꞌdee weyti Waakh a kakhuufno.”

Ibiraaniya 12:2

Taba, kol tuumman Yeesso a kamalanni giꞌde. Usú orey inno woye, Waakh kakhuufne, toro uliba laka inno woya, Waakh tuum kakhuufna. Ulla jeenteti hamaadi sugo u, lakhaanyoti eti massalaaba lakakaaho taham a igarrahsate. Ulla toolla goobi Waakh ka komborti Waakhe antoot ankicheki miigeete fiddiya.

Efeesso 2:8

A mehe Waakh haaggiiski buurenye atin ikamalin ka a atin ribe. Ribnaanka la kakhuufnaanki atin usu kakhuuftaane kayamiit. Waha la wihi atin kayimiy menye, a siinti Waakh one,

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.

2 'Dessaloonika 1:3

ꞌDooꞌd Kiriistokaaw, nah kol dakkhan jeentetiin u Waakh kalaꞌde ilaabna. Waha la a wihi mujjumenye kootte nah imale, jeenteti atin weyti ikakhayantaane, Waakh ikakhuuftaane, ꞌdooninti atin isikhabtaan la ikakhayantuu.

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

2 Koriinto 2:4

Maanti an khadaabaas atin isoochiire, a bolkhe, weyti mal igele toro la ilmohi buure khube. Atin bolkhin mee ꞌdoono, ꞌdooninti buurenye an atin ikhabo, iche atinhi garattaan ꞌdoona.

Ibiraaniya 5:7

Maanti Yeesso harrata kijire, us riirit ichoow oytim ka Waakkhi omoot karibo wahte. Jeenteti Us roorro ka Waakh afiis ikutin u, Waakh weysihiis a daage.

Hilassi Ergaano 10:31

Wihi us iyidah, ‘Korneeliyo, Waakh weysihaah a daage, toro wihi at miskiino siisso a arge.

2 Timooti 1:4

Chaꞌan saggi maanti inno seley bahne at iooyte kasooꞌhelo, anihi kaargo ꞌdee hamaadi buure ibuuhicho ꞌdoona.

Luuka 7:44

Yeesso ꞌdeerka makhaabál iurgiye wihi us Siimon iyidah, “Siimon bal makhaabassa yey! At uus an kootte minkaah imiy bicchehi an luhlo kadikhdi laka ma isiinne, iꞌdaasenyi iche ilmohiche ka luhlo a ikhuyyaamisse, tintiche ka la a ihiyyaayte.

Luuka 7:38

Yeessohi dikkil kajiifo adahtiis tolossatte ooyte, ilmohiche ka luhlohiis khuyyaamisse. ꞌDeerka tinticheti matah ka hiyyaayte, luhlohiis doddongatte, miricchi ka subahte.

Ibiraaniya 12:17

Ulla yomboka iꞌdi atin igarattaan u, maanti us weysi aabbahiis ꞌdoone, aabbahiis usu a ꞌdiiꞌde. Chiꞌ Essaawo weysi iooye laka, sag us maliis iurgiyicho mele.

Hilassi Ergaano 10:19

Beetero wihi fooltabcho tahe kamiyyaantaayi, Rubeyti Munyee wihi iche itidah, “Siimon, reeroo seyyahenye kisooyowte kalla.

Marko 9:23

“Chaꞌat wohoo tabuuꞌd a?” Yeesso yidah, “Eti Waakh on rummeesti walah us iubaaꞌdan mala.”

Marko 9:25

Yeesso chuꞌus ururi intaas isooryo arge ka, ginna leejaakhe, “Ginnata ínam yeed ichoow dogo tirto, amure kibahchaa, toolla kofche inankaas goya kabahe, jirtuu la iinokhan!” iyidah.