Marko 9:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Inkoo ibeen lihe kutte ka, Yeesso Beetero ichoow Yaakoobo ichoow Yoohana khaatte, woye, haloo deer koreen, ichohaas on. ꞌDeyꞌdoossaayi Yeesso luurgiyiche.

Marko 9:2 Referans Kwoze

Marko 5:37

Beetero ichoow Yaakoobo ichoow walaal Yaakoobohi Yoohana layadeehe us khaatte on menye, ꞌdooꞌdi addan tuumman et us khaatte mele.

Marko 14:33

Beetero ichoow Yaakoobo ichoow Yoohana khaatte. Sohtaayi, uur goya iooye, mali uskul gele.

2 Koriinto 13:1

Waha a koli seyyahnaatteete an atin iamiit. Iꞌdi Chiirnaanneti Waakh ka chiiran u, “Ayti etoo lakacheekti, garti et lamma ommos seyyah laabto ka a larummaacho.”

Bakkaahit 20:11

ꞌDeerka kombortoo antoote buurenye dakhane etoo kafiddiyo arge. Harra ichoow sereye ba eta ortiis kafirdeene, iꞌdaasenyi meel icho isiꞌheleen mele.

Marko 16:12

Waha ꞌdubicho ka, Yeesso uummankoo yeere ka ꞌdooꞌdoo lammeenye ilkerengeet khariis raaho isoobahe.

Fiiliffi 3:21

Ulla miigtiisti us walah tuumman isikeeno anan yabuuꞌd ka, sarteenta ꞌdarane tamuut a urgiyicha, iꞌdi sartiisti weyti haaggan kayeela.

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Luuka 6:12

Ibeennetaas kichekoo Yeesso bahe burroo kore, ibeenki nool Waakh wahte.

Mattaayo 14:13

Inkoo Yeesso wihi yitah daage ka, koobanhoo gele, intaas katabe, intoo khaawwan irte. Chirri urur waha daage ka, ilkerengeeto kasoobahe, luhlo ka Yeesso raahe.