Marko 9:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Yeesso wihi us ilaabe, “Rumanka, Eliiya koloo yamiite, walah tuumman iꞌdi icho eheneet toro kayeela. Kamalda bal a iꞌdoh Chiirnaanneti Waakh goya Ínam Aadam bolokkhi buurenye latusa, weyti laꞌdiiꞌda liikachiire?

Marko 9:12 Referans Kwoze

Luuka 23:11

ꞌHerood ichoow iskartiis ba Yeesso lakhaanyo kadoweene kachaarteen. Darfohi karnat gesseene, khaateene Bilaato ilaabeen.

Luuka 1:76

Inankaaw, at la eti Waákkhi Weyti Ween íyeyyeedo lakiyadeeh. At la Kamur ortiissa sohatta jit iharta,

Luuka 23:39

Chiftataas Yeesso laleekaahe koo Yeesso leeabaarrame wihi us iyidah, “At a Ki Lasubhe gone, isribe nah laka nah rib!”

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Marko 9:13

Iꞌdaasenyi wihi an atin icheeko, Eliiya a yimiyye, ꞌdooꞌd la suujoonki noole icho ꞌdoonaan usu tuse iꞌdi wihi usu miinsane lachiiruu.”

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Marko 10:33

Wihi us iyidah, “Ilkerengeetti Yeerusaleeme iranna, Ínam Aadam la ꞌdube lagoocha kuhaaniyyohi wewween ichoow tagaammeti amurre dahanohicho lagessa. Iche la omoot igoossa, ꞌdooꞌdi Waakh igaran dahanohicho gelissa,

Hilassi Ergaano 1:6

Saahka maanti icho kulmeen ka wihi icho usu worsateen, “Kamur, antohi yaafohi Issiraayel harraticho kaantaan maanassa on toro ilaabta?”

Hilassi Ergaano 4:11

Yeessoha, “ ‘A daakki atinhi minan dissaan ꞌdiiꞌddeene, usu tirrinki dagaheet min tiiro yitah.’