Marko 8:38 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁸ Chirri etoo ꞌdooꞌda weyꞌdane waakkhassi addan wahti uskeel leh goyaka ani ikuuryaawo toro yeedeey kuuryaawo, Ínam Aadam laka maanti us miig Aabbahiis ichoow ti herti Waakhe munyee leesoonokhti, usu a kuuryaawa.”

Marko 8:38 Referans Kwoze

Rooma 1:16

An Wori Haaggan ma kuuryaawo. Iꞌdi tahe Wora a miigti Waakhe hol dowto, eti tuummane Kiriisto rummeeste ribto. Koloo ꞌdooꞌdi Yaꞌhuude Kiriisto rummeeste lariba, ꞌdee toro yaafohi Yaꞌhuud ieheynane Kiriisto rummeeste laka lariba.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

Yaakoobo 4:4

Atinha waakkhassi addan wahattaan, saggi eti wahanyeyyohi harratane sussuuje aal kabahsate Waakh iꞌdiiꞌddanyahe ma garattaan a? Eti wahanyeyyohi harratane sussuuje aal kabahsan goosti chiiytanki Waakhe iskayeela.

Luuka 9:26

Chirri etoo ani ikuuryaawo toro yeedeey kuuryaawo, Ínam Aadam maanti us ababnaankiis ichoow ababnaan Aabbahiis ichoow ki herti Waakhe munyee leesoonokhti usu a kuuryaawa.

2 Timooti 1:8

Maantaka wihi atin garattaane Kamureen miinsan cheekin akuuryaawina. Ommos wihi anihi jeentetiis u jeela kajiro imiinsan cheekin akuuryaawina. Iꞌdaasenyi miigti Waakh ka sinati jeenteti inno Wori Haaggan icheeknuu inno taham ileegisma.

Mattaayo 26:64

Yeesso wihi us ilaabe, “Aa! A iꞌdaas maanta at tidah on. Iꞌdaasenyi wihi an atin tuumman atin iadeeh, ꞌdee berri Ínam Aadam usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Ibiraaniya 11:26

Usu ka la lakhaanyoti us jeente Kiriisto iꞌhelo leedeefta, kamurroonki us ili Miissiri kaꞌhelo ka. Iꞌdi tahe usu kalaꞌddi buurenye berri Waakh guto, iche rerreege.

Ibiraaniya 11:16

Iꞌdaasenyi ili weyti deefo imoonaan. Waha la a goobi Waakh. Maantaka Waakh chirri us a Waakkhichooda liidah us ma kuuryaawo, a mehe usu ꞌdooꞌda ilkerengeet a idise.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

Mattaayo 12:39

Yeesso wihi us ilaabe, “ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso daaha. Iꞌdaasenyi wihi goorat Waakh eti Waákh íyeyyeedo Yoona layadeeh ka enenyet tuse on menye, walah addane lasiicho mele.

Yoohana 1:51

Wihi us kakhaye, “Rume atin icheeka, goobi Waakh usuhi furane herti Waakh ínam Aadam isookhubatti toro korto a agarta.”

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Mattaayo 24:30

“Maantaas wihi emeetti Ínam Aadam tuso serey ka a soobahaane, yaafohi harra tuumman la ooyaan. Ínam Aadam usuhi mirsohi saraat fuulo miig ichoow weynaanti buure khabaayi yamiit argaan.

Luuka 19:26

“Ulla wihi us ilaabe, ‘Wihi an atin icheeko, eti tuummane wihi dahan lagesse mujjum woywoye a liikakhaya, iꞌdaasenyi eti wihi dahan lagesse mujjum iwoywoyin, wihi us khabo laka a lakakhaata.

Mattaayo 13:41

Ínam Aadam hertiis a sooerga, iche la ꞌdooꞌdi tuummane enenyet uskeel kalugꞌdo ichoow ki hugunꞌdarri kaassohti tuumman dakhiis goya kabahchaan.

Ibiraaniya 13:13

Maantaka inno laka Yeesso uram khariche ka iiranni, lakhaanyoti usu lakadowe, inno laka a inno lakadowo.

2 Timooti 1:16

Kamur ba goob Oneesiferas uur isoonugleesta. A mehe us geeddi buure a ikahamaadiche. Maanti an jeela kijire laka, us uur a imiigooche toro ma ikalakhaanyeysan.

Galaatiya 6:14

Ani ka la, omootti Yeesso Kiriistohi Kamureene massalaaba kayumuy on menye, wohoo addane an keeylajo ma jiraan. Massalaaba Kiriisto ka, wahanyeyyohi harrata a kamassade toro la wahanyeyyohi harrata ma idakhtaan.

Hilassi Ergaano 5:41

Ergaano Jaldaabti Weene Yaꞌhuud katabte. Weyti hamaadeen a mehe jeenteti icho koo Yeesso iyahiin u sinati lakawaaricho a muꞌdanyahiin.

Yoohana 12:34

Urur la wihi us iyidah, “Amurre Muusa ka, Ki Lasubhe jirtuu tuumman a inno leefiddiya iche daagne. Saggoh ꞌdeerka ‘Ínam Aadam serey a liiokkhicha’ itadeeh? ‘Ínam Aadamha,’ a ayyo?”

Yoohana 5:27

Toro Aabbaheey usu antohi us ꞌdooꞌd kahukkumo laka a siiche, iꞌdi tahe us a Ínam Aadamee.

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Marko 14:62

Yeesso la wihi us iyidah, “Aa, a ani. Ínam Aadam la usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Mattaayo 16:4

ꞌDooꞌdi iꞌdeenye uskeel lehe waakkhassi addan wahti on wohoo miigti Waakh tuso yowta. Iꞌdaasenyi wihi goorat Waakh Yoona ka enenyet tuse on menye, walah addane lasiicho mele.” Yeesso ꞌdeerka icho katabe irte.

Mattaayo 8:20

Yeesso wihi us ilaabe, “ꞌDowwohoyyo lumame khabaane, chimbirohi saraat la minchimbiroote khabaan. Iꞌdaasenyi Ínam Aadam inti us matah gesso laka ma khabo.”

Mattaayo 16:28

Rume atin icheeka, gaasiinkoo maanta inta kijiro, omoot ma argo geeddi icho Ínam Aadamhi dakhiis khabaayi yamiit iargin.”

Marko 8:37

Ommos weeli enenyet maanta mehe diibin yabuuꞌde jirotiis kadooricha?

Marko 13:26

“Maantaas Ínam Aadam usuhi mirso goyaka yamiite, miig ichoow antohi buure khabo weeli enenyet tuumman a arga.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

1 'Dessaloonika 2:19

A mehe maanti Yeessohi Kamureene soonokhti ortiis ka khajjeel ommos hamaad ommos kalaꞌddi nah keeylajno a mehe? Atin menya?

1 'Dessaloonika 3:13

Kamur ba iꞌda ka uur a atin miigoocho, ꞌdee maanti Yeessohi Kamureene ꞌdooꞌdiis tuumman khabaayi soonokhti ka, Waakkhi Aabbaheene ortiis ka ꞌdooꞌdi munyeenye toro wohoo rucchul laka liikacheekan tateehiin.

1 Yoohana 2:28

Maantaka nyaakhuteeyki an weyti ꞌdoono, taba Kiriisto goytiis fiddiya, ꞌdee maanti us soobaho ka, uus inno roorro khabine toro la uryaawin emeettiis ka.

Bakkaahit 14:10

ullaka farsoti sabiibe holi Waakh itolosso soodama. Hola la, farsoti sabiibe miigenye bicchehoo rucchul laka liikakhayine kokkoob lakachibo liiokkanaache. Waakh eta herti Waakhe munyee ichoow Heleem ortiis ka dagahti bolokhto ka weyti bolokh tusa.