Marko 8:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Iꞌdaasenyi Yeesso urgiye abattitiis yeye, Beetero leejaakhe wihi us iyidah, “Seytaankaane fooleey buj! At wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Marko 8:33 Referans Kwoze

Mattaayo 4:10

Yeesso wihi us iyidah, “Seytaan, nyaam ikatab! A mehe wihi chiiran, ‘Kamuri Waakkhaahe waho toro la usu kalday on ihil.’  ”

1 Yoohana 2:15

Taba harrata suuje ichoow wahanyeyyohi harratane sussuuje aꞌdoonina. Eti tuummane wahanyeyyohi harratane sussuuje ꞌdoono, ꞌdooninti Aabbaheen goytiis ma kijirto.

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

Bakkaahit 3:19

ꞌDooꞌdi an ꞌdoono a leejaakha toro sirbi gessa. ꞌDeerka taba uurassiin tuumman ka ichoow walah tuumman ka tuum uskeel kasoonokhda.

1 Beetero 4:1

Maantaka sar Yeesso Kiriisto jeenteteen u sina a loomhiche gone, taba atin laka saggi us imasse imalda. Iꞌdi tahe eti sartiis sina loomhiche uskeel a kasoonokhte.

1 Timooti 5:20

Weynaanti uskeel yeesso urur Kiriisto ortiis ka a laleejaakho, ꞌdee ꞌdooꞌdi addan uskeeli us yeelo a karooro.

1 Koriinto 5:5

eta suuje dahanti Seytaan gessa. Iꞌda ka etaas wihi uuriis goya kijiro uskeel imoono a labaabiicha, rubeytiis la maanti Yeessohi Kamure soonokhti a lariba.

Luuka 22:61

Kamur la urgiye Beetero indo kakhabte. Beetero ꞌdeerka yeedi Kamur iyidah kasooꞌhele, “Maalinka geeddi lukki iriirin, at kol seyyah, ‘Ma kigardi!’ tadeeh.”

Marko 3:34

ꞌDooꞌda fiddiyo khaariche yeye, “Yeya, abarteey ichoow walaalinyeteey kallaayo.

Marko 3:5

Yeesso hol ka indo leeraahe toro weyti uur suujowe, matahmiigticho ka. Et, “Dahantaah fiti!” iyidahye, et dahan ficche, dahane toro tuum haagsatte.

Mattaayo 15:23

Yeesso la wohoo rucchul laka ma iidaahan. Abattitiis la itimiyye, hawwaassatte, “ꞌDubeenna kasoorirriirta laab,” itidah.

Tiito 1:13

Ayta eta cheeke a rum. Maantaka tabe ꞌdooꞌda weyti leejaakhe, ꞌdee wihi rummaat mujjum a kakhuufeene,

Luuka 9:55

Iꞌdaasenyi Yeesso abattitiis iurgiye, leejaakhe.

Luuka 4:8

Yeesso wihi us ilaabe “Wihi chiiran, ‘Kamuri Waakkhaahe waho, toro la usu kalday on ihil!’ ”

Mattaayo 16:23

Yeesso la urgiye wihi us Beetero iyidah, “Seytaankaane fooleey buj! At a daakki itarraantarricho, at wahanyeyyohi Waakh menye, iꞌdaasenyi wahanyeyyohi weeli enenyete kamalatta.”